وڭتۇستىك كورەيا تۇرعىنى قازاق-كورەي سوزدىگىن قۇراستىرىپ شىعارماق
بۇل تۋرالى چوي ەن سوننىڭ ءوزى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ ستۋدەنتتەرىمەن ونلاين-كەزدەسۋىندە ايتتى. ەن سوننىڭ نۇراي دەگەن قازاقشا ەسىمى بار. 2 جىل بۇرىن بويجەتكەن حانگۋك شەت تىلدەر ۋنيۆەرسيتەتىندەگى قازاق ءبولىمىن بىتىرگەن.
سودان بەرى ول وسى ۋنيۆەرسيتەتتە جۇمىس ىستەيدى. وقۋ بارىسىندا چوي سون قازاق تىلىندەگى كىتاپ تاپپاي قينالعان. سوندىقتان ول اباي ءتىلىن ۇيرەنۋگە نيەت تانىتقاندارعا كومەكتەسۋدى كوزدەيدى.
قازاقشا ومىردەگى سويلەمدەر عوي، سوندىقتان سونداي كىتاپ بولسا وتە تەز ۇيرەنۋگە بولادى. ماماندىعى بويىنشا سوزدىك، رەسمي تۇردە قازاقشا جانە كارىسشە سوزدىك بولسا ءبىلىم الۋعا وتە جاقسى بولادى دەپ ويلايمىن. كورەيشە جاقسى بىلەتىن بىرگە ىنتىماقتاسۋعا بولاتىن ستۋدەنتتەر جانە پروفەسسورلار كوپ كەرەك. جانە اقپارات ناقتى بولۋى كەرەك جانە قازاق ءتىلى بولعاندىقتان سوعان بايلانىستى جاقسى تەكسەرۋگە بولاتىن ادامدار كوپ بولسا جاقسى بولادى دەپ ويلايمىن»، - دەيدى حانگۋك شەت تىلدەر ۋنيۆەرسيتەتىنىڭ قىزمەتكەرى چوي ەن سون.