فۋتزالدان چەمپيوندار ليگاسى: «اقتوبە» گرەك كومانداسىن جەڭدى

نۇر-سۇلتان. قازاقپارات - بۇگىن فۋتزالدان UEFA چەمپيوندار ليگاسىندا قازاقستاندىق «اقتوبە» دە جارىستىڭ 1/8 فينالىنا شىقتى، دەپ حابارلايدى قازاقپارات ءتىلشىسى.

«اقتوبە» تۋرنيردىڭ 1/16 فينالدىق ساتىسىندا سىرت الاڭدا گرەكيانىڭ ا ە ك كومانداسىمەن وينادى. كەزدەسۋ بارىسىندا قازاقستاندىق كلۋب جيناقى قيمىلىمەن كوزگە ءتۇستى. ەسەپتى اقتوبەلىك بەكجان داۋلەتوۆ 17-مينۋتتا اشتى. وعان 18-مينۋتتا گرەكيالىق تكيس گۋسيس ءبىر گولمەن جاۋاپ قايىردى.

ءبىرىنشى كەزەڭدە كوماندالار 1:1 ەسەبىنە قاناعات ءبىلدىردى. ەكىنشى كەزەڭدە «اقتوبە» ساپىنان ۋگو سيلۆا وليۆەيرا 22، دميتري كلوچكو 28، اسحات قۇلبايەۆ 32-مينۋتتاردا مەرگەندىگىمەن كوزگە ءتۇستى.

بۇدان كەيىن الاڭ يەلەرىنەن كوستاس پانۋ ەسەپ ايىرماسىن قىسقارتقان ەدى. قورىتىندى ەسەپتى 36-مينۋتتا قازاقستاندىق نۇربەك قاراعۇلوۆ بەلگىلەدى.

وسىلايشا «اقتوبە» 5:2 ەسەبىمەن جەڭىسكە جەتىپ، تۋرنيردىڭ كەلەسى ساتىسىنا جولداما الدى.

ەرەجە بويىنشا جەڭىمپاز ءبىر عانا ويىن ناتيجەسىمەن انىقتالدى.