كوروناۆيرۋس: نۇر-سۇلتان قالاسى «قىزىل» ايماققا ەندى

None
None
نۇر-سۇلتان. قازاقپارات - قازاقستاننىڭ ءۇش ءوڭىرى كوروناۆيرۋستىڭ تارالۋ قاۋپى بويىنشا «قىزىل» ايماققا ەندى، دەپ حابارلايدى قازاقپارات.

ەل وڭىرلەرىندەگى ەپيدەميولوگيالىق احۋالدى باعالاۋ ماتريتساسىنا سايكەس، 16- قاڭتار كۇنى «قىزىل» ايماققا نۇر-سۇلتان قالاسى، اقمولا جانە قوستاناي وبلىستارى ەنگىزىلدى.

«سارى» ايماقتا الماتى قالاسى، اتىراۋ، باتىس قازاقستان، سولتۇستىك قازاقستان جانە پاۆلودار وبلىستارى تۇر. قالعان وڭىرلەر - «جاسىل» ايماقتا.

ەسكە سالايىق، كەشە ەلوردانىڭ باس مەملەكەتتىك سانيتارلىق دارىگەرىنىڭ جاڭا قاۋلىسى شىقتى.

وعان سايكەس، قالادا كارانتين تالاپتارى قايتا كۇشەيتىلدى. دەمالىس كۇندەرى ويىن-ساۋىق مەكەمەلەرى جۇمىسىن توقتاتادى. سونداي-اق سەنبى-جەكسەنبىدە قوعامدىق كولىك قاتىنامايدى.

بۇدان بولەك، پراۆوسلاۆ حريستياندارىنىڭ شوقىنۋ مەرەكەسىنە وراي جاپپاي سۋعا شومىلۋعا تىيىم سالىندى.

سوڭعى جاڭالىقتار