مينيسترلىك رەسەيدىڭ قازاقستاندىق قىزاناقتاردان ۆيرۋس تابىلدى دەگەن مالىمدەمەسىنە جاۋاپ بەردى

None
None
نۇر-سۇلتان. قازاقپارات - قازاقستاننىڭ اۋىل شارۋاشىلىعى مينيسترلىگىنىڭ وكىلدەرى رەسەي تاراپىنىڭ قازاقستاندىق قىزاناقتاردان ۆيرۋس تابىلدى دەگەن مالىمدەمەسىنە جاۋاپ بەردى، - دەپ حابارلايدى Tengrinews.kz ءتىلشىسى ۆەدومستۆونىڭ باسپا ءسوز قىزمەتىنە سىلتەمە جاساپ.

مينيسترلىك مالىمەتىنشە، 2020-جىلدىڭ جەلتوقسانىندا مال دارىگەرلىك جانە فيتوسانيتارلىق قاداعالاۋ جونىندەگى فەدەرالدىق قىزمەت (روسسەلحوزنادزور) Green Capital Kazakhstan, Green Land Alatau ج شس- ءنىڭ ونىمدەرىندە قىزاناق جەمىستەرىنىڭ قاۋىپتى ۆيرۋسى (Tomato brown rugose fruit virus نەمەسە ToBRFV) انىقتالعاندىعى جانە Greenhouse-Qaztomat ج ش س- گى وندىرەتىن قىزاناقتى الىپ كەلۋگە شەكتەۋ ەنگىزگەنى تۋرالى حابارلاما جىبەردى.

وسىعان بايلانىستى ق ر ا ش م اگروونەركاسىپتىك كەشەندەگى مەملەكەتتىك ينسپەكتسيا كوميتەتى شۇعىل تۇردە رەسمي تەكسەرۋ ۇيىمداستىردى.

«وسىمدىكتەر كارانتينى جونىندەگى مەملەكەتتىك ينسپەكتورلار، سونداي-اق «فيتوسانيتاريا» ر م ك، «فيتوسانيتارلىق دياگنوستيكا جانە بولجامدار ادىستەمەلىك ورتالىعى» ر م م جانە «رەسپۋبليكالىق وسىمدىكتەر كارانتينى ورتالىعى» م م ماماندارى پ ت ر- تالداۋ جۇرگىزۋ ماقساتىندا سىنامالاردى الۋ ءۇشىن Greenhouse-Qaztomat ج ش س- دە كوميسسيالىق تەكسەرۋ جۇرگىزدى.

تالداۋ ءۇشىن رەسەي فەدەراتسياسىنىڭ «بۇكىل رەسەيلىك وسىمدىكتەر كارانتينى ورتالىعىنىڭ» جەدەل تەستتەرى قولدانىلدى. ىقتيمال قاتەلەر مەن كەلىسپەۋشىلىكتەردى بولدىرماۋ ءۇشىن زەرتحانالىق تالداۋ ادىستەرى رەسەيلىك ۇيىمنىڭ ماماندارىمەن بىرگە جاسالدى. ساراپتاما قورىتىندىسى بويىنشا «Greenhouse-Qaztomat» ج ش س ونىمدەرىندە ToBRFV ۆيرۋستارى انىقتالعان جوق.

سونداي-اق، وبەكتيۆتىلىك ءۇشىن كومپانيا ءوز باستاماسى بويىنشا ءونىمنىڭ سىنامالارىن Groen Agro Control تاۋەلسىز زەرتحاناسىنا (نيدەرلاندى) جىبەردى. قوسىمشا زەرتتەۋ ناتيجەلەرى بويىنشا جىلىجاي شارۋاشىلىعىندا ۆيرۋس انىقتالعان جوق»، - دەلىنگەن ق ر ا ش م حابارلاماسىندا.

وسىنداي كوميسسيالىق تەكسەرۋلەر Green Capital Kazakhstan جانە Green Land Alatau جىلىجاي شارۋاشىلىقتارىندا جۇرگىزىلدى. ول جەرلەردە دە ۆيرۋس انىقتالمادى.

مينيسترلىك مالىمەتىنشە، رەسمي تەكسەرۋلەردىڭ ناتيجەلەرى ۆەتەرينارلىق جانە فيتوسانيتارلىق قاداعالاۋ جونىندەگى فەدەرالدىق قىزمەتكە حابارلاندى.

ەسكە سالايىق، مۇنىڭ الدىندا رەسەي قازاقستاننان اكەلىنەتىن قىزاناق پەن بۇرىشتىڭ قاۋپى بارىن مالىمدەپ، ەلگە جەتكىزۋگە تىيىم سالعان ەدى.

سوڭعى جاڭالىقتار