+7 (701) 759 90 19
-18 °С : نۇر-سۇلتان
1 °С : الماتى
USD 419.45 EUR 504.64
RUB 5.68 CNY 64.88
جاڭالىقتار

بورتسەرىك ۇشاقتاعى داياشى ەمەس

16 قاڭتار 13:17
:ءبولىسۋ
بورتسەرىك ۇشاقتاعى داياشى ەمەس

نۇر-سۇلتان. قازاقپارات - كوبى ستيۋاردەسسانىڭ جۇمىسى جولاۋشىلاردى قارسى الىپ، ورىندارىنا جايعاستىرىپ، تاماق تاراتۋمەن اياقتالادى دەپ ويلايدى.

الايدا بورتسەرىكتىڭ قىزمەتى ءسىز ويلاعاننان الدەقايدا ماڭىزدى.

ستيۋاردەسسا ۇشاققا وتىرعان ءاربىر جولاۋشىنىڭ كوڭىل-كۇيىن انىقتاپ قانا قويماي، ولاردىڭ قاۋىپسىزدىگىنە جاۋاپ بەرەدى. ول ءۇشىن ءاربىر ستيۋاردەسسا پسيحولوگيانى جەتىك مەڭگەرىپ، ادامعا ءبىر قاراعاننان ونىڭ جاي-كۇيىن تانۋى قاجەت.

جولاۋشىلاردى ۇشاققا كىرە بەرىستە ەكى بورتسەرىك قارسى الادى.

ولاردىڭ مىندەتى مىناداي:

سالەمدەسۋ

ءاربىر جولاۋشىمەن سالەمدەسكەندە ستيۋاردەسسا ولاردىڭ سويلەسۋ مانەرىنە، اشىقتىعىنا ءمان بەرەدى. وسىلايشا ۇشۋ بارىسىندا كىممەن ارتىق سويلەسپەۋ كەرەگىن، كىمگە كوبىرەك كوڭىل ءبولۋ كەرەگىن انىقتايدى.

دەنە بىتىمىنە ءمان بەرۋ

توتەنشە جاعدايدا ءىرى دەنەلى ەر ادامنىڭ كومەگى قاجەت بولۋى مۇمكىن. سوندىقتان كوبىنەسە ستيۋاردەسسالار ءىرى دەنەلى جولاۋشىنى اپات جاعدايىنا ارنالعان ەسىكتىڭ جانىنا وتىرعىزادى. ويتكەنى توتەنشە جاعدايدا ەسىكتى اشۋ ءۇشىن كۇش قاجەت.

اۋىرىپ تۇرعان نە ىشىمدىك ىشكەن ادامدى انىقتاۋ

ستيۋاردەسسا ۇشاققا وتىرعان جولاۋشىلاردىڭ اراسىنان الكوگول ىشكەن نە اۋىرىپ تۇرعان ادامدى انىقتاۋى ءتيىس. ويتكەنى ۇشۋ بارىسىندا ولاردى باقىلاپ وتىرۋ قاجەت. اۋىرىپ تۇرعان ادامعا كەز كەلگەن ساتتە كومەك كەرەك بولۋى مۇمكىن، ال ىشىمدىك ىشكەن جولاۋشى شۋ شىعارۋى عاجاپ ەمەس.

اەروفوبياسى بار جولاۋشىنى انىقتاۋ

كەيبىر ادام ۇشاقتا ۇشۋدان قورقۋى مۇمكىن. سوندىقتان ستيۋاردەسسالار بارىنشا اەروفوبياسى بار جولاۋشىعا كومەك قولىن سوزادى. قاجەت بولسا پسيحولوگيالىق كومەك بەرەدى.

massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات