امەريكا ءانشىسى مانەرلەپ سىرعاناعان اتىراۋلىق وقۋشىعا قولداۋ ءبىلدىردى

None
None
اتىراۋ. قازاقپارات - اتىراۋدا مۇز ۇستىندە مانەرلەپ سىرعاناعان 10-سىنىپ وقۋشىسىنا امەريكالىق ءانشى قولداۋ ءبىلدىردى، دەپ حابارلايدى قازاقپارات.

بۇعان دەيىن اتىراۋلىق وقۋشى نۇرالي بەكتەمىروۆتىڭ كاسپي تەڭىزىندەگى مۇز ۇستىندە مانەرلەپ سىرعاناعانىن حابارلاعان ەدىك.

نۇرالي بەكتەمىروۆتىڭ مانەرلەپ سىرعاناعانى تۇسىرىلگەن ۆيدەونى الەۋمەتتىك جەلىدەن امەريكالىق ءانشى زاك گرەي دە كورگەن. ول اتالعان ۆيدەونى ءوز پاراقشاسىنا جۇكتەگەن.

«سپورت - دەنساۋلىق كەپىلى. بالا كەزىمنەن سپورتقا بەيىممىن، 5-سىنىپتان بەرى ءتۇرلى شاراعا بەلسەنە قاتىسىپ كەلەمىن. اسىرەسە، كونكي تەبۋگە، حوككەي ويناۋعا قىزىعامىن. اعام ءادي ءوزى تۇسىرگەن ۆيدەوعا ا ق ش ءانشىسى زاك گرەيدىڭ ءانىن قولدانعان ەدى.

امەريكالىق ورىنداۋشى «وسىنداي تاماشا تۋىندىعا مەنىڭ ءانىم قويىلعانىنا قۋانىشتىمىن» دەپ پىكىرىن ءبىلدىرىپتى»، - دەيدى نۇرالي بەكتەمىروۆ.

اتالعان ۆيدەونى كورگەن زاك گرەي جۋرناليستەرگە بەرگەن سۇحباتىندا اتىراۋلىق وقۋشى مەن اعاسىنا قولداۋ ءبىلدىرىپ، العىس ايتقان. الداعى ۋاقىتتا قازاقستانعا كەلەتىن ويى بار ەكەنىن دە جەتكىزگەن.



سوڭعى جاڭالىقتار