بورتتا تەمەكى شەككەن ەر ادام ەلوردا اۋەجايىندا ۇشاقتان ءتۇسىرىلدى

نۇر-سۇلتان. قازاقپارات - ۇشاق بورتىندا تەمەكى شەككەن ءتارتىپ بۇزۋشى «الماتى-نۇر-سۇلتان» اۋە رەيسىنەن شىعارىلىپ، وعان ايىپپۇل سالىندى، دەپ حابارلايدى قازاقپارات ەلوردالىق كولىكتەگى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«14- قاڭتاردا نۇر-سۇلتان قالاسىنىڭ اۋەجايىنداعى جەلىلىك پوليتسيا ءبولىمىنىڭ كەزەكشى بولىمىنە «Air Astana» ا ق وكىلىنەن «الماتى-نۇر-سۇلتان» باعىتىنداعى اۋە رەيسىنىڭ بورتىندا قۇقىق بۇزۋشى بار ەكەنى تۋرالى حابارلاما كەلىپ ءتۇستى»، - دەپ اتاپ ءوتتى كولىكتەگى پوليتسيا دەپارتامەنتى باسشىسىنىڭ ورىنباسارى ابزال جۇماتايەۆ.

«تەكسەرۋ بارىسىندا كولىك پوليتسەيلەرى ۇشاق بورتىندا ەلەكتروندى تەمەكى شەككەن 23 جاستاعى الماتى قالاسىنىڭ تۇرعىنىن انىقتادى. جوعارىدا اتالعان اۋە كەمەسى كومانديرىنىڭ اكتىسى بويىنشا قۇقىق بۇزۋشى رەيستەن شىعارىلدى.

اتالعان فاكتى بويىنشا پوليتسيا قىزمەتكەرلەرى ق ر ا ق ب ت ك- ءنىڭ 441-بابىنىڭ 1-2-تارماعى (اۋە كەمەسىنىڭ بورتىندا تەمەكى بۇيىمدارىن جانە (نەمەسە) ەلەكتروندى تەمەكىنى تۇتىنۋعا تىيىم سالۋدى بۇزۋ) بويىنشا اكىمشىلىك حاتتاما تولتىرىپ، وعان 50 ا ە ك مولشەرىندە ايىپپۇل سالدى»، - دەدى پوليتسيا پولكوۆنيگى.