18:02, 15 - قاڭتار 2021 | GMT +6
كوروناۆيرۋستى زەرتتەۋگە بارعان د د س ۇ- نىڭ ەكى عالىمى قىتايعا كىرە الماي قالدى
نۇر- سۇلتان. قازاقپارات - كوروناۆيرۋستىڭ تارالۋى مەن شىعۋىن زەرتتەۋ ءۇشىن ۋحان قالاسىنا بارعان دۇنيەجۇزىلىك دەنساۋلىق ساقتاۋ ۇيىمىنىڭ ەكى عالىمى قىتاي اۋماعىنا كىرە الماي قالدى، دەپ حابارلايدى «حابار 24».
بۇل تۋرالى سينحۋا اگەنتتىگى حابارلادى. مامانداردىڭ كوروناۆيرۋسقا تاپسىرعان تەستى وڭ ناتيجە كورسەتكەن. قازىر ولار سينگاپۋردە قايتادان تەست تاپسىرۋلارى كەرەك.
جالپى دۇنيەجۇزىلىك دەنساۋلىق ساقتاۋ ۇيىمىنىڭ ايتۋىنشا، ساراپشىلاردىڭ ءبارى قىتايعا اتتانباس بۇرىن پ ت ر تەست تاپسىرىپ، تەرىس ناتيجەلى انىقتاما العان ەكەن. قالعان عالىمدار قازىر ۋحاندا. ولار ءبىر ايعا جۋىق ۋاقىت بويى زەرتتەۋ جۇمىسپەن اينالىسادى. الايدا ىسكە كىرىسپەس بۇرىن ماماندار الدىمەن كارانتيندە وتىرادى.