15:01, 15 - قاڭتار 2021 | GMT +6
ءماجىلىس كوميتەتتەرىنىڭ ءتوراعالارى سايلاندى
نۇر-سۇلتان. قازاقپارات – ق ر پارلامەنتى ءماجىلىسىنىڭ جالپى وتىرىسىندا تومەنگى پالاتانىڭ 7 تۇراقتى كوميتەتىنىڭ ءتوراعالارى سايلاندى، دەپ حابارلايدى قازاقپارات ءتىلشىسى.
وتىرىس بارىسىندا ءماجىلىس ءتوراعاسى نۇرلان نىعماتۋليننىڭ ۇسىنىسىمەن:
- اگرارلىق ماسەلەلەر كوميتەتىنە پارلامەنتتىك وپپوزيتسيادان ەرلان بارلىبايەۆ،
- الەۋمەتتىك- مادەني دامۋ كوميتەتىنە ءجاميلا نۇرمانبەتوۆا،
- زاڭناما جانە سوت- قۇقىقتىق رەفورما كوميتەتىنە قانات مۋسين،
- حالىقارالىق ىستەر، قورعانىس جانە قاۋىپسىزدىك كوميتەتىنە ايگۇل قۇسپان،
- قارجى جانە بيۋدجەت كوميتەتىنە مارات قۇسايىنوۆ،
- ەكونوميكالىق رەفورما جانە وڭىرلىك دامۋ كوميتەتىنە البەرت راۋ،
- ەكولوگيا ماسەلەلەرى جانە تابيعات پايدالانۋ كوميتەتىنە پارلامەنتتىك وپپوزيتسيادان الەكساندر ميليۋتين ءتوراعا بولىپ سايلاندى.
اۆتور: مارلان جيەمباي