اتقارۋشى ورگانداردىڭ دەربەستىگىن ارتتىرۋ ماڭىزدى - پرەزيدەنت

نۇر-سۇلتان. قازاقپارات - اتقارۋشى ورگانداردىڭ دەربەستىگىن ارتتىرۋ ماڭىزدى. بۇل تۋرالى بۇگىن جەتىنشى شاقىرىلعان ق ر پارلامەنتىنىڭ ءبىرىنشى سەسسياسىندا پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«جەرگىلىكتى ءوزىن- ءوزى باسقارۋدى ءارى قاراي جەتىلدىرۋ ءۇشىن بيۋدجەتتىك راسىمدەردى جەڭىلدەتىپ، وكىلدى جانە اتقارۋشى ورگانداردىڭ دەربەستىگىن ارتتىرۋ ماڭىزدى. وسى ورايدا مەم ءماسليحات دەپۋتتارىنان مىنا ماسەلەنى باسا ايتقىم كەلەدى. سىزدەردىڭ بەلسەندى ۇستانىمدارىڭىز سايلاۋشىلاردىڭ مۇددەسىن قورعايتىن ساپالى ءارى سالماقتى شەشىمدەر قابىلداۋعا ىقپال ەتۋى كەرەك»، - دەدى پرەزيدەنت.

وسى ورايدا مەملەكەت باسشىسى قولعا الىنعان وزگەرىستەردىڭ جەدەل جانە تابىستى جۇزەگە اسۋى جەرگىلىكتى جەردەگى جۇمىستىڭ تيىمدىلىگىنە تىكەلەي بايلانىستى ەكەنىن اتاپ ءوتتى.

اۆتور: رۋسلان عابباسوۆ