13:16, 15 - قاڭتار 2021 | GMT +6
ماجىلىستە جاڭادان سايلانعان دەپۋتاتتار انت بەرىپ جاتىر
نۇر-سۇلتان. قازاقپارات - بۇگىن پارلامەنت ءماجىلىسىنىڭ جالپى وتىرىسىندا جاڭادان سايلانعان دەپۋتاتتار انت بەرىپ جاتىر، دەپ حابارلايدى قازاقپارات ءتىلشىسى.
«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتىن ادال اتقارۋعا انت ەتەمىن»، - دەدى دەپۋتاتتار ءماجىلىستىڭ جالپى وتىرىسىندا. ەسكە سالساق، 7-شاقىرىلعان ق ر پارلامەنتى ءماجىلىسىنىڭ تولىق قۇرامى بەلگىلى بولدى. جاڭا ماجىلىستە ەلىمىزدەگى 3 ساياسي پارتيا مەن قازاقستان حالقى اسسامبلەياسىنىڭ كانديداتتارى مانداتقا يە بولدى. ق ر پارلامەنت ءماجىلىسىنىڭ تولىق قۇرامى جاساقتالدى.
اۆتور: رۋسلان عابباسوۆ