الداعى ۋاقىتتا اۋدان اكىمدەرىن سايلاۋعا كوشۋگە بولادى - توقايەۆ
بۇل تۋرالى 7- شاقىرىلعان پارلامەنتتىڭ 1-سەسسياسىن اشقان ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«تاعى ءبىر ماڭىزدى قادام - اۋىل اكىمدەرىن سايلاۋ. بيىل جەكەلەگەن اۋىلدىق وكرۋگتەردە سايلاۋ وتەدى. ءبىز جەرگىلىكتى ءوزىن-ءوزى باسقارۋ جۇيەسىن ەڭ تومەننەن باستاپ نىعايتۋدى كوزدەپ وتىرمىز. بۇل وتە ماڭىزدى ماسەلە. سوندىقتان الداعى ۋاقىتتا اۋىل اكىمدەرىن سايلاعاننان كەيىن اۋدان اكىمدەرىن سايلاۋعا كوشۋگە بولادى»، - دەدى مەملەكەت باسشىسى.
ق ر پرەزيدەنتى مۇنىنمەن دە شەكتەلىپ قالماۋىمىز كەرەكتىگىن، ساياسي جۇيەنى ورنىقتىرىپ، شەشىمدەر قابىلداۋ ۇدەرىسىنە ازاماتتاردىڭ ىقپال ەتۋىن كۇشەيتە ءتۇسۋ ءۇشىن تىڭ سەرپىن قاجەتتىگىن باسا ايتتى.
«بۇل باعىتتا رەفورمالاردىڭ ەكىنشى بولىگىن ازىرلەۋ بارىسىندا اۋقىمدى جۇمىستار جاسالدى. وندا بارلىق پارتيانىڭ، سونىڭ ىشىندە كەشە پارلامەنتكە وتپەي قالعان ساياسي كۇشتەردىڭ دە ۇسىنىستارى ەسكەرىلدى جانە بولاشاقتا دا نازارىمىزدا بولادى. ۇلتتىق كەڭەس مۇشەلەرىنىڭ جانە باسقا دا بەدەلدى ساراپشىلار مەن بەلسەندى ازاماتتاردىڭ يدەيالارى، باستامالارى قامتىلىپ وتىر»، - دەدى قاسىم-جومارت توقايەۆ.
اۆتور: مارلان جيەمباي