زەينەتاقى جيناعىن پايدالانۋ: ب ج ز ق جاڭا قىزمەتتى ىسكە قوستى
سالىمشىلارعا ىڭعايلى بولۋ ءۇشىن بجزق تۇرعىن ءۇي جاعدايلارىن جاقسارتۋعا، ەمدەلۋگە اقى تولەۋ، سونداي- اق، جەكە باسقارۋشى كومپانيالارعا ينۆەستيتسيالىق باسقارۋعا بەرۋ ءۇشىن قولجەتىمدى زەينەتاقى جيناقتارى تۋرالى اقپارات الۋعا بولاتىن جاڭا قوسىمشا سەرۆيستى ىسكە قوستى. ول ءۇشىن cabinet.enpf.kz/porog پورتالىنا ءوتىپ، mGov ءموبيلدى ازاماتتار بازاسىندا تىركەلگەن ۇيالى تەلەفون نومىرىنە SMS ارقىلى كەلىپ تۇسەتىن ءبىر رەتتىك پارول ارقىلى اۆتورلانۋ قاجەت. ءبىر رەتتىك پارول ارقىلى اۆتورلانۋ ءۇشىن بار- جوعى بىرنەشە قادام جاساۋ كەرەك:
· ءوزىڭىزدىڭ ج س ن جانە ۇيالى تەلەفون ءنومىرىڭىزدى ەنگىزىڭىز؛
· دەربەس دەرەكتەرىڭىزدى جيناۋعا جانە وڭدەۋگە ءوز كەلىسىمىڭىزدى بەرىڭىز؛
· «كودتى جىبەرۋ» باتىرماسىن باسىڭىز؛
· الىنعان التى تاڭبالى كودتى ۇيالى تەلەفوننان ەنگىزىڭىز. بۇل قوسىمشا سەرۆيس سالىمشىلار ءۇشىن وتە ىڭعايلى، سەبەبى، ول جەتكىلىكتىلىك شەگىن ە س ق- سىز جانە ب ج ز ق بولىمشەلەرىنە بارماي- اق بىلۋگە مۇمكىندىك بەرەدى. جاڭا سەرۆيس مەملەكەتتىك ورگاندار ايقىندايتىن اقپاراتتىق قاۋىپسىزدىك جونىندەگى تالاپتارعا تولىق سايكەس كەلەدى.
ەسكە سالساق، 2-قاڭتاردا ق ر پرەزيدەنتى قاسىم- جومارت توقايەۆ زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى. زەينەتاقى جيناعىن باسپاناعا جۇمساۋعا ارنالعان ونلاين- پلاتفورما ىسكە قوسىلادى. زەينەتاقى جيناعىنان الۋعا بولاتىن سوما ب ج ز ق سايتىندا اۆتوماتتى تۇردە كورسەتىلەدى.