قاراعاندى وبلىسىندا شوقىنۋ مەرەكەسىندە جاپپاي شومىلۋعا تىيىم سالىندى

None
None
قاراعاندى. قازاقپارات - قاراعاندىلىق شىركەۋ وكرۋگىنىڭ وكىلى الەكساندر ۋگولكوۆ پاندەميا جاعدايىندا شوقىنۋ مەرەكەسىن وتكىزۋ ءتارتىبىن ءتۇسىندىردى، دەپ حابارلايدى قازاقپارات وبلىس اكىمدىگىنە سىلتەمە جاساپ.

ءمالىم ەتىلگەندەي، ەپيدەميولوگيالىق جاعدايدىڭ كۇردەلىلىگىنە وراي بيىل شومىلۋ ورىندارىن دۇعا وقىپ تازارتۋ ءىس- شارالارى جۇرگىزىلمەيدى. تيىسىنشە، سۋعا جاپپاي شومىلۋ دا بولمايدى. بۇل رەتتە سۋدى تازارتۋ بارلىق عيباداتحانالاردىڭ اۋماعىندا وتەدى. 18 - قاڭتار كۇنى تۇستەن كەيىن سۋ الۋ ءۇشىن شىركەۋگە كەلە بەرۋگە بولادى. سونداي- اق سۋ 19-قاڭتاردا تاڭعى ساعات 08.00 دەن كەشكە دەيىن تاراتىلادى. تاراتۋ كوشەدە وتەدى. شىركەۋلەرگە كىرۋگە تىيىم جوق. قاراعاندى وبلىسىنىڭ باس سانيتارلىق دارىگەرىنىڭ نەگىزگى تالاپتارىنا ساي ماسكا رەجيمىن جانە الەۋمەتتىك قاشىقتىقتى ساقتاۋ ءدىني قىزمەتكەرلەر ءۇشىن دە، حالىق ءۇشىن دە نەگىزگى تالاپ بولىپ تابىلادى. شىركەۋ وكىلىنىڭ ايتۋىنشا، شوقىنۋ مەرەكەسىندە سۋعا سۇڭگۋ شىركەۋدىڭ ەمەس - حالىقتىڭ ءداستۇرى.

«سۋعا سۇڭگۋ - حالىق ءداستۇرى. وعان ارنايى دايىندالماعان ادامدار ءۇشىن بۇل قاۋىپتى بولۋى مۇمكىن. بۇل رەتتە ءبىر- بىرىمىزگە دەگەن سۇيىسپەنشىلىك پەن قامقورلىق ماڭىزدىراق. بۇرىن بۇل كۇنى مۇقتاج ادامدارعا بارۋ، ولارعا كومەك كورسەتىپ، مەرەكەلىك كوڭىل- كۇي سىيلاۋ ءداستۇرى بولعان. مەرەكە بەكەر وتپەۋى ءۇشىن بۇل كۇنى يگى ىستەر جاساڭىزدار»، - دەدى پروتويرەي الەكساندر ۋگولكوۆ.

شىركەۋ وكىلدەرى مەرەكە كۇنى جاپپاي شومىلۋعا تىيىم سالۋ شارالارىنا تۇسىنىستىكپەن قاراۋدى سۇرايدى.

سوڭعى جاڭالىقتار