+7 (701) 759 90 19
-8 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

الماتى مەتروسىنىڭ قاي باعىتتا داميتىنى ايتىلدى

14 قاڭتار 20:37
:ءبولىسۋ
الماتى مەتروسىنىڭ قاي باعىتتا داميتىنى ايتىلدى

الماتى. قازاقپارات - الماتىدا مەتروپوليتەننىڭ دامۋ سىزباسى تانىستىرىلدى. قالانىڭ باس جوسپارىندا 60 مەترو بەكەتى قاراستىرىلعان، ال مارشرۋتتىڭ ۇزىندىعى 91,6 شاقىرىمدى قۇرايدى، دەپ حابارلايدى قازاقپارات ءتىلشىسى.

الماتىنىڭ باس جوسپارىن تۇزەتۋدى تالقىلاۋ بارىسىندا «الماتىگيپروگور-1» كومپانياسى باس ديرەكتورىنىڭ ورىنباسارى التاي ساتىبالديەۆ مەترونىڭ دامۋ سىزباسىمەن تانىستىردى، وعان سايكەس ءبىرىنشى مەترو جەلىسى 24 شاقىرىمدى (جالپى 22 ستانتسيا) قامتۋى كەرەك. بۇگىنگى كۇنى 9 ستانتسيا (11,2 شاقىرىم) پايدالانۋعا بەرىلدى.

ەكىنشى جەلى 18 بەكەتتى (29,2 شاقىرىم)، ءۇشىنشى جەلى - 18 بەكەتتى (27,2 شاقىرىم) قامتاماسىز ەتەدى. مەترو جولدارى سالىنعان سىزبادا ءبىرىنشى جەلىنىڭ «قالقامان» شاعىناۋدانىنداعى باتىس اۆتوۆوكزالىنان باستاپ قاپشاعايداعى Gate City قالاشىعىنا دەيىن جالعاسىپ جاتقانىن كورۋگە بولادى. كارتاداعى ەكىنشى مەترو جەلىسى كوك تۇسپەن بەلگىلەنگەن جانە ول التىن وردا اۋدانىنان باستالىپ، اۋەجاي ايماعىندا دەيىن سوزىلعان.

ءۇشىنشى جەلى جاسىل تۇسپەن بويالعان. ول اۋەجايدان «حان- ءتاڭىرى» تۇرعىن ءۇي كەشەنىنە دەيىن جالعاسادى (ءال- فارابي داڭعىلىنان جوعارى). ءىس- شارا بارىسىندا ساراپشىلار مەن قوعام بەلسەندىلەرى بۇل جوبانىڭ 2030 -جىلعا دەيىن جۇزەگە اسىرىلادى دەگەنگە كۇمانمەن قارادى. سەبەبى، مىنانداي اۋقىمدى جوباعا ۋاقىت تىم از.

«ءبىز مەترونىڭ ءبىرىنشى جەلىسىن 2030 -جىلعا قاراي جۇزەگە اسىرامىز دەپ وتىرمىز. ەگەر مەتروپوليتەندى جۇيە رەتىندە الساق، وندا ول ءۇش جەلى بولعاندا عانا جۇمىس ىستەيدى. بۇل ءۇشبۇرىش. ياعني، جولدا تۇرعان ادام كەز كەلگەن ۋاقىتتا باسقا جولعا اۋىسا الادى: ەكىنشى نەمەسە ءۇشىنشى جەلىگە. كوك، قىزىل، سارى»، - دەدى «الماتىگيپروگور-1» ديرەكتورىنىڭ ورىنباسارى التاي ساتىبالديەۆ. سونىمەن قاتار، ول مەتروپوليتەندى باس جوسپاردا نە ءۇشىن پايدالانۋ كەرەكتىگىن ءتۇسىندىردى.

«ءبىز دالىزدەردى سالىپ جاتىرمىز، ويتكەنى قالا داميدى. ەگەر مەترو ستانتسيالارى بەلگىلى بولسا، وندا ءبىز قالا قۇرىلىسى جوسپارىندا اۋماقتى مەتروپوليتەندى ەسكەرە وتىرىپ دامىتامىز. مەترو جەلىسى 15 جىلدان كەيىن پايدا بولۋى مۇمكىن، ءبىراق ءبىز مۇنى ەسكەرۋىمىز كەرەك»، - دەپ قوستى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات