مەتەوريت تۇسسە دە، امان قالعان قولتىراۋىندار

نۇر-سۇلتان. قازاقپارات - قولتىراۋىن - جەردەگى ەڭ ەجەلگى تىرشىلىك يەلەرىنىڭ ءبىرى. عالىمدار قولتىراۋىننىڭ دينوزاۆرمەن قاتار ءومىر سۇرگەنىن ايتادى.

ءبىر قىزىعى 200 ميلليون ۋاقىتتان بەرى قولتىراۋىننىڭ دەنە قۇرىلىسى ەش وزگەرمەگەن.

Nature Communications Biology باسىلىمىندا بريستول ۋنيۆەرسيتەتىنىڭ عالىمدارى جاساعان زەرتتەۋ جۇمىسىنىڭ ناتيجەسى جاريالانعان. عالىمدار قازىرگى قولتىراۋىن مەن ەجەلگى قولتىراۋىننىڭ سۇيەگىن سالىستىرا وتىرىپ زەرتتەگەن. ولار جانۋار دەنەسىنىڭ ۇزىندىعىنا ءمان بەرگەن. وعان قاراپ عالىمدار:

- بويىنىڭ ءوسۋىن؛

- پوپۋلياتسيا سانىن؛

- جويىلىپ كەتۋ قاۋىپىن انىقتاعان.

زەرتتەۋ جۇمىسىندا عالىمدار قولتىراۋىننىڭ ميلليونداعان جىلداعى ەۆوليۋتسياسىن جاساپ شىعاردى. ەۆوليۋتسيا بارىسىندا قولتىراۋىندار ءبىر ىڭعايلى جاعدايدى تاۋىپ، ودان ارى دامىماعان. ازىرگە تابيعاتتا قولتىراۋىنعا بار جاعداي جاسالىپ تۇر.

الىپ مەتەوريت قۇلاعاندا دا، جەر بەتىن مۇز باسقاندا دا قولتىراۋىن جويىلىپ كەتپەگەن. كەرىسىنشە، ءتوزىمى، ەرەكشە ءومىر ءسۇرۋى ارقاسىندا ەستە قالدى. دەگەنمەن عالىمدار ءالى كۇنگە قولتىراۋىن مەتەوريتتىڭ ءتۇسۋى سەكىلدى قيىن كەزەڭنەن قالاي ءتىرى قالعانىن ءدوپ باسىپ ايتا المايدى.

قولتىراۋىن سۋدا ءوزىن ەركىن سەزىنەتىن، جەردە جىلدام جورعالايتىن جىرتقىش. كەيبىر قولتىراۋىندار ساعاتىنا 18 شاقىرىم جىلدامدىقپەن جۇگىرە الادى ەكەن.

massaget.kz