+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

تۇركيا كوروناۆيرۋسقا قارسى ۆاكسينا ەگۋدى باستادى

14 قاڭتار 21:46
:ءبولىسۋ
تۇركيا كوروناۆيرۋسقا قارسى ۆاكسينا ەگۋدى باستادى

انكارا. قازاقپارات - سارسەنبى كۇنى تۇركيانىڭ دەنساۋلىق ساقتاۋ باسشىسى مەديتسينا قىزمەتكەرلەرىنىڭ قاتىسۋىمەن تۇرعىندارعا كوروناۆيرۋسقا قارسى ەكپە ەگۋ باستالعانىن مالىمدەدى، دەپ حابارلايدى قازاقپارات ءتىلشىسى انادولى اگەنتتىگىنە سىلتەمە جاساپ.

ەل استاناسى انكارادا وتكەن كوروناۆيرۋس بويىنشا عىلىمي- كونسۋلتاتيۆتىك كەڭەس وتىرىسىنان كەيىن ءسوز سويلەگەن دەنساۋلىق ساقتاۋ ءمينيسترى فاحرەتتين كودجا جوعارى لاۋازىمدى شەنەۋنىكتەر وزدەرىنە ۆاكسينا جاساتا وتىرىپ قوعامعا ۇلگى كورسەتەدى جانە حالىقتى سوعان شاقىراتىنىن ايتتى.

«ءبىزدىڭ نەگىزگى ماقساتىمىز - ۆاكسيناتسيا باعدارلاماسىن اشىق جۇرگىزۋ. ۆاكسينا ادىلەتتى تۇردە تاراتىلادى جانە عىلىمي كەڭەس بەكىتكەن باسىمدىقتان وزگە تاجىريبە جۇرگىزىلمەيدى»، دەپ اتاپ ءوتتى مينيستر.

ف. كودجا مالىمەتىنشە، ۆاكسينالار 81 پروۆينتسيانىڭ قوعامدىق دەنساۋلىق ساقتاۋ قويمالارىنا جەتكىزىلدى. ءار ادامعا ەسىمى جانە شتريح- كودى بويىنشا ۆاكتسينا بەكىتىلەدى. ساتىپ الۋ بويىنشا ۆاكتسينا ەگىلەتىن ادامدارعا كەزەگى تۋرالى حابارلانادى، سودان كەيىن ولار الدىن الا جازىلىپ ەكپە جاساتۋعا بارادى. كەيىنىرەك دەنساۋلىق ساقتاۋ باسشىسى CoronaVac ۆاكسيناسىن قابىلداعان تۇركياداعى العاشقى ادام بولدى. مينيستردەن كەيىن كوميسسيا مۇشەلەرى دە ەكپە الدى.

«ءبارى ەكپە الۋ كەرەك ەكەنىن اتاپ وتكىم كەلەدى. قالىپتى ومىرىمىزگە ورالۋ ءۇشىن مىندەتتى تۇردە ۆاكتسينا ەگىلۋى كەرەك»، - دەپ تولىقتىردى ف. كودجا.

بۇعان دەيىن سارسەنبى كۇنى تۇركيانىڭ ءدارى- دارمەك جانە مەديتسينالىق قۇرىلعىلار رەسمي مەكەمەسى CoronaVac-تى جاڭا كوروناۆيرۋسقا قارسى شۇعىل پايدالانۋ ءۇشىن ماقۇلداعان بولاتىن.

تۇركيانىڭ ءدارى- دارمەك جانە مەديتسينالىق قۇرىلعىلار اگەنتتىگى (TITCK) ەكپەنى تەكسەرگەننەن كەيىن بەيجىڭدەگى SinoVac كومپانياسى جاساعان CoronaVac ۆاكسيناسىنا رەسمي تۇردە رۇقسات بەردى. ەسكە سالا كەتسەك، SinoVac وندىرگەن 3 ميلليون ۆاكسينا 30-جەلتوقساندا تۇركياعا جەتكىزىلىپ، دەنساۋلىق ساقتاۋ مينيسترلىگىنىڭ مەديتسينالىق قويماسىنا جىبەرىلدى. سودان كەيىن 14 كۇندىك تەكسەرۋ ءۇشىن TITCK زەرتحاناسىنا جەتكىزىلدى.

كەيىنگى رەسمي مالىمەتتەر بويىنشا، كەيىنگى 24 ساعاتتا تۇركيادا 9554 ادام كوروناۆيرۋس جۇقتىردى، سونداي- اق 173 ادام ومىردەن وتسە، 9463 تۇرعىن جازىلىپ شىقتى. ەلدەگى جالپى كوروناۆيرۋس جۇقتىرعاندار سانى 2,35 ميلليون ادامنان استى.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات