الماتىدا ءۇشىنشى تەمىرجول ۆوكزالى سالىنۋى مۇمكىن
باس جوسپارعا سايكەس، الماتى اگلومەراتسياسىن دامىتۋ بويىنشا ءبىرقاتار جوبالاردى اۋقىمدى ىسكە اسىرۋ جوسپارلانعان، ونىڭ ىشىندە: - الماتى-1 جانە الماتى-2 جەلىسى بويىنشا ەكىنشى جولداردى سالۋ؛
- الماتى-3 ۆوكزالىنىڭ قۇرىلىسى؛
- الماتى-1 - تالعار جۇك- جولاۋشىلار تەمىرجول جەلىسىنىڭ قۇرىلىسى؛
- الماتى- ۇزىناعاش ترامۆاي جەلىسىنىڭ قۇرىلىسى.
التاي ساتىبالديەۆتىڭ ايتۋىنشا، الماتى-3 ۆوكزالىنىڭ قۇرىلىسىن بۇعان دەيىن «قازاقستان تەمىر جولى» كومپانياسى ۇسىنعان بولاتىن. بۇل ۇلتتىق كومپانيا ءۇشىن قوسىمشا ستانسيا جۇك اعىنىن ءتۇسىرۋ ءۇشىن قاجەت.
«بۇل قۇرىلىس جولاۋشىلار تاسىمالى ءۇشىن دە ماڭىزدى. سوندىقتان ساين كوشەسى ءوتىپ جاتقان بورالداي اۋماعىندا ماگيسترالدى جولدار سالۋدى جانە قالادان باتىس باعىتتا الماتى-3 ۆوكزالىن سالۋدى ۇسىنامىز. وندا ستانسيا بار، تەك ۆوكزال سالۋ كەرەك. وسىلايشا بۇكىل باتىس اۋماقتار قامتىلادى»، - دەدى ول.
تەمىرجول تورابىنىڭ جالپى ۇزىندىعى 69 شاقىرىم. ول توراپقا الماتى-1 جانە الماتى-2 ستانسيالارىن قوسا العاندا، توعىز ستانسيا كىرەدى. جەلتوقسان ايىندا الماتى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ شاھاردىڭ باس جوسپارىنىڭ جوباسى قاشان اياقتالاتىنىن ايتقان بولاتىن.
اۆتور: الما مۇقانوۆا