ءماجىلىس ءتوراعاسى لاۋازىمىنا نۇرلان نىعماتۋليننىڭ كانديداتۋراسى قارالدى
فراكسيا دەپۋتاتتارى ەلباسىنىڭ ۇسىنىسىن ءبىراۋىزدان قولدادى. سونداي- اق، ءماجىلىس سپيكەرى لاۋازىمىنا نۇرلان نىعماتۋليننىڭ كانديداتۋراسىن ۇسىنۋ ماسەلەسى دە قارالدى، دەپ حابارلايدى قازاقپارات ءتىلشىسى قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ رەسمي سايتىنا سىلتەمە جاساپ.
وتىرىس بارىسىندا ءماجىلىس ءتوراعاسى قىزمەتىنە ن. نىعماتۋليننىڭ كانديداتۋراسىن، ءماجىلىس ءتوراعاسىنىڭ ورىنباسارلارى قىزمەتىنە پ. كازانسيەۆ پەن ب. كەسەبايەۆانىڭ، الەۋمەتتىك- مادەني دامۋ كوميتەتىنىڭ ءتوراعاسى قىزمەتىنە د. نۇرمانبەتوۆانىڭ، زاڭناما جانە سوت- قۇقىقتىق رەفورما كوميتەتى ءتوراعالىعىنا ك. مۋسيننىڭ، قارجى جانە بيۋدجەت كوميتەتى ءتوراعالىعىنا م. قۇسايىنوۆتىڭ، حالىقارالىق ىستەر، قورعانىس جانە قاۋىپسىزدىك كوميتەتى ءتوراعالىعىنا ا. قۇسپاننىڭ، ەكونوميكالىق رەفورما جانە ايماقتىق دامۋ كوميتەتىنە ا. راۋدىڭ كانديداتۋراسىن ۇسىنۋ تۋرالى ۇيلەسىمدى پوزيتسيا ايقىندالدى.