+7 (701) 759 90 19
-20 °С : نۇر-سۇلتان
-4 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

وتاندىق انيماتسيا ءوندىرىسى جاڭا كينوستۋديامەن تولىقتى

14 قاڭتار 18:03
:ءبولىسۋ
وتاندىق انيماتسيا ءوندىرىسى جاڭا كينوستۋديامەن تولىقتى

نۇر- سۇلتان. قازاقپارات - بۇگىن ەلوردادا انيماتسيالىق ونىمدەر جاساۋمەن اينالىساتىن «QuantFilm» كينوستۋدياسى اشىلدى، دەپ حابارلايدى قازاقپارات ءتىلشىسى.

كينوستۋديا مامانى تالاس ورازباي ۇلىنىڭ ايتۋىنشا، جاستاردان قۇرالعان شىعارماشىلىق ۇجىم قازاق انيماتسياسىنا ءوز ۇلەسىن قوسىپ، بالالاردى جاڭا فيلمدەرمەن قۋانتپاق. سونىمەن بىرگە، جاسوسپىرىمدەرگە قازاقتىڭ ادەت- عۇرپىن دارىپتەۋ ارقىلى ولاردى ۇلتجاندى، ەلىن- جەرىن سۇيەتىن وتانشىل ەتىپ تاربيەلەۋگە اتسالىسۋدى كوزدەيدى.

«مۋلتفيلم - ەلىمىزدىڭ ەرتەڭى، بولاشاق ۇرپاقتى تاربيەلەيتىن ماڭىزدى قۇرال. ءوز ۇلتىن، ءوز ءتىلىن سۇيەتىن وتانشىل ۇرپاق - انا تىلىندەگى فيلمدەر كورۋ ارقىلى قالىپتاسادى. سول ءۇشىن دە بۇل سالانى دامىتۋدىڭ ماڭىزدىلىعى زور. ۇجىمدا ازىرگە انيماتسيا جانرىندا كاسىبي شەبەر رەتىندە شىڭدالعان 15 مامان جۇمىس جاسايدى. بارلىعى ون جىلدان استام وسى سالا تەندەنتسيالارىن ۇزدىكسىز زەرتتەپ، ۇيرەنگەن ماماندار. سوندىقتان «QuantFilm» كينوستۋدياسى تەحنيكالىق مۇمكىندىكتەرىنىڭ جوعارىلىعىمەن ەرەكشەلەنەدى. ستۋديانىڭ بازالىق كۋرس اشىپ، مامان سانىن ارتتىرۋعا مۇمكىندىگى مول. كرەاتيۆتى يدەياسىن جەتىلدىرگىسى كەلەتىن جاستارعا انيماتسيانىڭ قىر- سىرىن ۇيرەتۋدى دە جوسپارلاپ وتىرمىز»، - دەيدى ول.

ايتا كەتەيىك، تالاس ورازباي ۇلى بۇعان دەيىن «Anyz film» كينو ستۋدياسىندا قىزىمەت اتقارىپ، كوپتەگەن انيماتسيالىق جوبالارعا اتسالىستى. تالاستىڭ تەحنيكالىق جەتەكشىلىك ەتۋىمەن جاسالعان «ىرىستى ىدىستار» اتتى جاڭا انيماتسيا 2020 -جىلى Amen Animation حالىقارالىق كينوفەستيۆالىنىڭ «ۇزدىك مۋلت حيكايا» نوميناتسياسىنىڭ جەڭىمپازى اتاندى.

اۆتور: ريزابەك نۇسىپبەك ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات