الماتىلىلىقتاردى قاڭتار مەن اقپاندا قانداي اۋا رايى كۇتىپ تۇر - قازگيدرومەت

الماتى. قازاقپارات - الماتىدا جاقىن كۇندەرى قالىڭ قار جاۋادى، دەپ حابارلايدى قازاقپارات ءتىلشىسى.

«قازگيدرومەت» ر م ك حابارلاعانداي، 2021 -جىلدىڭ قاڭتارى مەن اقپانىندا اۋا رايى قۇبىلمالى بولادى. قىستىڭ سوڭىندا جاۋىن شاشىن، قار جىلداعىدان كوپ تۇسەدى دەپ بولجانىپ وتىر.

«قازاقستاننىڭ وڭتۇستىك شىعىسىنا اتلانتيكا جاعالاۋلارىنان جىلى، ىلعالدى اۋا ماسساسى كەلىپ تۇرادى. ال جەرگە جاقىن بەلسەندى سيكلوندىق بەلسەندىلىك بايقالادى. ياعني اتموسفەرالىق فرونتتاردىڭ اسەرىنەن قالا اۋماعىنا جاۋىن شاشىن مول تۇسەتىن بولادى»، - دەدى سينوپتيكتەر.

ودان بولەك قاڭتاردا بىرنەشە تولقىن سۋىق جۇرەدى. قاڭتاردىڭ ەكىنشى ونكۇندىگىنىڭ ورتاسىنان سوڭىنا دەيىن اۋا تەمپەراتۋراسى كۇندىز 13-،18-، كۇندىز 3-، 8- گرادۋس بولادى. ءبىر ايدا تۇسەتىن جاۋىن شاشىن كولەمى قالىپتى دەڭگەيدەن ارتىق بولماق. ال اقپاندا تۇمان مەن كوكتايعاق ءجيى بولادى.

ايتا كەتۋ كەرەك، كەشە الماتىدا تولاسسىز قار جاۋىپ، جۇزدەگەن جۇمىسشى 3 مىڭ تەكشە مەتر قاردى قالا سىرتىنا شىعارعان بولاتىن. پوليتسيا جول اپاتىنىڭ الدىن الۋ ماقساتىندا جول ەرەجەسىن قاتاڭ ساقتاۋدى ەسكەرتتى.

اۆتور: گۇلميرا عوسمانالي