+7 (701) 759 90 19
-8 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

پاۆلودارلىق وقۋشى قولجازبانى سيفرلىق فورماتقا اۋىستىراتىن قوسىمشا جاسادى

14 قاڭتار 15:16
:ءبولىسۋ
پاۆلودارلىق وقۋشى قولجازبانى سيفرلىق فورماتقا اۋىستىراتىن قوسىمشا جاسادى

پاۆلودار. قازاقپارات - پاۆلودار قالاسىنداعى «جاس دارىن» مامانداندىرىلعان مەكتەبىنىڭ 11-سىنىپ وقۋشىسى الار بەرىك ۇلى قولجازبانى سيفرلىق فورماتقا كوشىرەتىن قوسىمشا جاساپ شىعاردى، دەپ حابارلايدى قازاقپارات Pavlodarnews.kz سايتىنا سىلتەمە جاساپ.

كارانتين ۋاقىتىندا قاشىقتان وقىپ، عىلىمي ىزدەنىستەرىن دامىتقان جاس ونەرتاپقىش سول ارقىلى مەكتەپ ارحيۆىن سيفرلاندىرۋعا ۇلەس قوسۋعا تىرىسقان.

«Android جۇيەسىنە ارنالعان باعدارلاما ەكى اي ىشىندە Java پلاتفورماسىندا OpenCV جانە DL4J اشىق كىتاپحانالارى نەگىزىندە جاسالدى. مەنى نەيروندىق جەلىلەر قىزىقتىرادى. باسىندا Java ارقىلى جاڭادان نەيروندىق جەلى قۇراستىرعان ەدىم. الايدا ونداعى ۇيرەنۋ مەن بولجاۋ جىلدامدىعى تومەن بولعاندىقتان، جۇمىستى DL4J- عا كوشىردىم»، - دەيدى الار بەرىك ۇلى.

جاساندى ينتەللەكت سالاسىندا جاڭالىق اشۋدى ماقسات تۇتقان وقۋشىعا تورايعىروۆ ۋنيۆەرسيتەتىنىڭ دوتسەنتى داريا ابىكەنوۆا كومەكتەسكەن. باعدارلامانىڭ جۇمىس پرينسيپىنە كەلسەك، اتالعان موبيلدىك قوسىمشا قازاق تىلىندەگى قولجازبالاردى سكانەرلەپ، ونى ەلەكتروندىق فورماتقا كوشىرەدى. سول ارقىلى ەسكى قۇجاتتار مەن حاتتاردى قايتا تەرۋدىڭ قاجەتى بولمايدى. «باعدارلامانى ءالى دامىتۋعا بولادى. مىسالى، دارىگەر رەتسەپتىن وقىعان ادامدار مەديتسينالىق تەرميندەردى ىزدەپ اۋرە بولادى. باعدارلاما بولەك جازىلعان سوزدەردى عانا تاني الادى. ءبىراق كەيبىر ادامدار ولاي جازبايدى. سول سەبەپتى قولجازبا ءماتىن مەن رەككۋرەنتتى نەيروندىق جەلىنى بىرىكتىرۋ ارقىلى كەز كەلگەن قولجازبانى ەركىن تاني الاتىن جۇيە جاساۋعا بولادى»، - دەيدى الار بەرىك ۇلى.

11-سىنىپ وقۋشىسىنىڭ ۇستازى ايدار شايحيموۆ ايتىپ وتكەندەي، قوسىمشا تولىعىمەن ءازىر بولىپ، پاتەنت الىنعاننان سوڭ Play Market-تە ورنالاستىرىلادى. ايتۋىنشا، «جاس دارىن» مەكتەبىنىڭ وقۋشىلارى ودان بولەك، ە- كىتاپحانا جانە ە- اسحانا باعدارلامالارىن جاساعان.

ولارعا باسقا مەكتەپتەر دە قىزىعۋشىلىق تانىتۋدا. قازاقستاننىڭ عىلىمىنا ۇلەس قوسۋعا بەكىنگەن الار بەرىك ۇلى الداعى ۋاقىتتا IT نەمەسە نەيروندىق جەلىلەر سالاسىندا ىزدەنىستەرىن جالعاستىرۋعا نيەتتى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات