+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

الماتى وبلىسى: ۇيىندە قاسقىر ۇستاپ، جانۋاردى قورلاعان تۇرعىن جازالانا ما؟

14 قاڭتار 15:01
:ءبولىسۋ
الماتى وبلىسى: ۇيىندە قاسقىر ۇستاپ، جانۋاردى قورلاعان تۇرعىن جازالانا ما؟

نۇر-سۇلتان. قازاقپارات - الماتى وبلىسىندا تەرىسىن الۋ ماقساتىندا ۇيىندە قاسقىر ۇستاپ، دالا تاعىسىن قاتىگەزدىكپەن ءولتىرىپ جۇرگەن تۇرعىن انىقتالدى.

جابايى اڭعا قول سالىپ جۇرگەندەردى العاش بولىپ زوو-ەرىكتىلەر بايقاعان.

«الماتى وبلىسىنداعى جەكەمەنشىك ۇيدە تەرىسىن الۋ ماقساتىندا قاسقىرلار ولتىرىلەدى، ولاردان كىلەمشەلەر جاسالىپ، ينتەرنەتتە ساتىلادى»، دەدى زوو-ەرىكتىلەر.

ينستاگرامداعى @zoohome_almaty پاراقشاسىندا الماتى وبلىسىنداعى جەكەمەنشىك ۇيدە تۇسىرىلگەن كادرلار پايدا بولدى. ولاردان قورىققان قاسقىردىڭ لاس قورشاۋدىڭ بۇرىشىنا تىعىلىپ قالعانى كورسەتىلگەن. ونىمەن قوسا جانۋاردىڭ وتە ارىقتاپ كەتكەنىن دە بايقاۋعا بولادى.

تاعى ءبىر ۆيدەودا ەرىكتىلەر ولتىرىلگەن جانۋارلاردىڭ تەرىلەرى شاشىلىپ جاتقان بولمەنى كورسەتكەن. سونداي-اق، قاسقىردىڭ تەرىلەرى ءۇيدىڭ قاسبەتىندە ءىلۋلى تۇر.

ەرىكتىلەر ءىس مۇنىمەن بىتپەگەنىنە رەنجۋلى. ءۇي الدىندا دالا تۇلكىلەرىنە ۇقساس تەرىسى الىنعان جانۋارلار قاپ-قابىمەن تۇرعانى دا بايقالادى. ەرىكتىلەر ءوز قاراجاتىنا ءتىرى جانۋارلاردى ساتىپ العانىمەن، ونى اپاراتىن جەر تاپپاي وتىر. ويتكەنى، زووپاركتەر قايدان كەلگەنى بەلگىسىز جانۋارلاردى قابىلداۋدان باس تارتىپ وتىر.

ال جەرگىلىكتى قۇزىرلى ورگاندار ءالى رەسمي مالىمدەمە جاساعان جوق.

Egemen Qazaqstan


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات