ولجاس سۇلەيمەنوۆ پەن ايەلى كوروناۆيرۋس جۇقتىردى

نۇر-سۇلتان. قازاقپارات - اقىن، جازۋشى جانە بەلگىلى قوعام قايراتكەرى ولجاس سۇلەيمەنوۆ پەن ونىڭ جۇبايى الماتىدا كوروناۆيرۋس جۇقتىردى.

بۇل تۋرالى بەلگىلى قازاقستاندىق جۋرناليست بيگەلدى عابدۋللين Facebook جەلىسىندەگى پاراقشاسىندا جازدى. ونىڭ ايتۋىنشا، ولجاس سۇلەيمەنوۆ پەن ونىڭ ايەلى مارگاريتا ۆلاديميروۆنا الماتىداعى مەديتسينالىق مەكەمەلەردىڭ بىرىندە بولعان.

«بۇگىن، 14-قاڭتاردا ارنايى بريگادا ولاردى كوروناۆيرۋس جۇقتىرعان ناۋقاستارعا ارنالعان بۇرىنعى تۋبەركۋلەز اۋرۋحاناسىنا اپاردى. وندا كىرۋگە بولمايدى. مارگاريتا ۆلاديميروۆنا ولجاسقا قاراعاندا اۋىر حالدە. دارىگەرلەر ولارعا كومەكتەسۋگە تىرىسىپ جاتىر، ءبىر سوزبەن ايتقاندا، قولدان كەلگەننىڭ ءبارىن جاسايدى. مەن ولاردىڭ قىزى مادينامەن سويلەستىم. ونىڭ ايتۋىنشا، الاڭداۋعا ايتارلىقتاي سەبەپ جوق، ەم قالىپتى ءجۇرىپ جاتىر»، - دەپ جازدى عابدۋللين.

الماتى قالاسىنىڭ قوعامدىق دەنساۋلىق باسقارماسىنىڭ وكىلدەرى ولجاس سۇلەيمەنوۆ پەن ونىڭ جۇبايى كوروناۆيرۋس جۇقتىرۋىنا بايلانىستى اۋرۋحاناعا جاتقىزىلعانىن راستادى.

«ولجاس سۇلەيمەنوۆ پەن جۇبايى ر ۆ-90 اۋرۋحاناسىنا جاتقىزىلدى. ولاردان كوروناۆيرۋس انىقتالدى. الايدا ەرلى- زايىپتى قازىر جازىلدى. ەرتەڭ، 15-قاڭتاردا ولار اۋراحانادان شىعارىلادى»، - دەدى باسقارما وكىلدەرى.