قانات يسلامنىڭ كەلەسى جەكپە-جەگى قاشان وتەتىنى بەلگىلى بولدى

نۇر-سۇلتان. قازاقپارات - قازاقستاندىق كاسىپقوي بوكسشى قانات يسلام (27-0، 21 ك و) شارشى الاڭعا قاشان ورالاتىنى جاريالاندى، دەپ حابارلايدى قازاقپارات.

BoxRec تاراتقان مالىمەت بويىنشا، بوكسشى الداعى ايقاسىن 20-اقپاندا وتكىزەدى.

الايدا ونىڭ قارسىلاسى كىم بولاتىنى ءالى بەلگىسىز.

ايتا كەتسەك قانات يسلام بىلتىر 16-قازان كۇنى ا ق ش-تىڭ فلوريدا شتاتى پلانت-سيتي قالاسىندا Nelsons Promotion كومپانياسىنىڭ كاسىپقوي بوكس كەشىندە ونەر كورسەتۋى كەرەك ەدى.

الايدا ول تۇستا قاناتقا قارسىلاس تابىلماعان. قانات يسلامنىڭ شارشى الاڭعا شىقپاعانىنا جىلدان اسىپ كەتتى.

اۆتور: ايان بەكەن ۇلى