12:42, 14 - قاڭتار 2021 | GMT +6
د د س ۇ ساراپشىلار توبى كوروناۆيرۋستىڭ پايدا بولۋ سەبەبىن انىقتاۋ ءۇشىن ۋحانعا كەلدى
بەيجىڭ. قازاقپارات - بەيسەنبى كۇنى دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) حالىقارالىق ساراپشىلار توبى COVID-19-دىڭ پايدا بولۋ سەبەبىن انىقتاۋ ءۇشىن ۋحان قالاسىنىڭ «تيانحە» اۋەجايىنا كەلىپ قوندى، دەپ حابارلايدى قازاقپارات CGTN تەلەارناسىنا سىلتەمە جاساپ.
ەرەجە بويىنشا د د س ۇ دەلەگاتسياسىنىڭ مۇشەلەرى 14 كۇندىك كارانتيننەن ءوتۋى ءتيىس. د د س ۇ توبىنىڭ قۇرامىنا ءارتۇرلى ەلدەردىڭ ماماندارى كىرگەن. بۇعان دەيىن ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەت حابارلاعانداي، د د س ۇ حالىقارالىق ساراپشىلار توبى قىتايدا قىتايلىق عالىمدارمەن بىرگە كوروناۆيرۋستىڭ جاڭا ءتۇرىنىڭ پايدا بولۋىن باقىلاۋ بويىنشا بىرلەسكەن زەرتتەۋلەر جۇرگىزەدى.
ەسكە سالا كەتەيىك، 2019 -جىلدىڭ سوڭىندا قىتاي بيلىگى د د س ۇ- عا حۋبەي پروۆينسياسىنىڭ ۋحان قالاسىندا بەلگىسىز پنيەۆمونيانىڭ ورشىگەنى تۋرالى حابارلاعان بولاتىن.
اۆتور: اياۋلىم التىنبەك