استانادا جەكە تۇرعىن ءۇي جانىپ كەتتى

نۇر-سۇلتان. قازاقپارات - ەلوردادا جەكە تۇرعىن ۇيدەگى ءورت ءبىر ساعاتتان استام ۋاقىت ءسوندىرىلدى، دەپ حابارلايدى قازاقپارات.

«بۇگىن ساعات 09:48-دە ت ج د ءورت ءسوندىرۋ قىزمەتىنە بوزشولاق كوشەسى، 8-مەكەنجايىنداعى ءورت تۋرالى حابارلاما كەلىپ ءتۇستى. ءورت ءسوندىرۋ بولىمشەلەرى جەتكەن كەزدە شامامەن 100 شارشى مەتر اۋماقتا جەكە ءۇيدىڭ شاتىرى جانىپ جاتقانى انىقتالدى. قۇتقارۋشىلاردىڭ جەدەل ءىس- ارەكەتىنىڭ ارقاسىندا ءورت ساعات 10.41-دە تولىق ءسوندىرىلدى. قازا بولعاندار مەن زارداپ شەككەندەر جوق. ءورت سوندىرۋگە 3 بىرلىك تەحنيكا مەن جەكە قۇرامنىڭ 20 ادامى جۇمىلدىرىلدى»، - دەلىنگەن نۇر-سۇلتان قالالىق توتەنشە جاعدايلار دەپارتامەنتىنىڭ اقپاراتىندا. ۆەدومستۆو ماماندارى ءورت قاۋىپسىزدىگى ەرەجەلەرىن جاۋاپكەرشىلىكپەن ساقتاۋعا، ساق بولۋعا جانە ءورتتى سوندىرۋدەن گورى الدىن الۋ الدەقايدا وڭاي ەكەنىن ەستە ساقتاۋعا شاقىرادى.

«بالالاردى قاراۋسىز قالدىرماڭىز، توسەكتە تەمەكى شەكپەڭىز، تۇرمىستىق جانە باسقا تەحنيكانى پايدالانۋ جونىندەگى نۇسقاۋلىقتى ساقتاڭىز، ەلەكتر سىمدارىنىڭ وقشاۋلاعىشى زاقىمدانعان قۇرالداردى پايدالانباڭىز»، - دەدى ت ج د- دان.