+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

كوروناۆيرۋس بويىنشا الەمدەگى جاعداي

14 قاڭتار 12:31
:ءبولىسۋ
كوروناۆيرۋس بويىنشا الەمدەگى جاعداي

نۇر-سۇلتان. قازاقپارات - ا ق ش پەن ۇلى بريتانيادا پاندەميا كەزىندەگى ءولىم- ءجىتىمنىڭ ەڭ جوعارى دەڭگەيى تىركەلدى.

ۋكراينا ۇكىمەتى قىتاي ۆاكسيناسىن ساتىپ الىپ، ە و- دان ءدارى- دارمەك جەتكىزۋگە كومەك سۇرادى. ال ەۋروپانىڭ وزىندە كوروناۆيرۋستان ۆاكسينالاۋ وتە باياۋ جۇرۋدە. قازاقپارات كوروناۆيرۋس ىندەتىنە قاتىستى الەمدەگى احۋال جونىندە ۆۆس- گە سىلتەمە جاساپ حابارلايدى. دجونس حوپكينس ۋنيۆەرسيتەتىنىڭ مالىمەتى بويىنشا، پاندەميا باستالعاننان بەرى الەمدە كوروناۆيرۋسقا شالدىققانداردىڭ جالپى سانى 91 ميلليوننان استى، 2 ميلليونعا جۋىق ادام قايتىس بولدى.

وتكەن تاۋلىكتە ا ق ش-تا ءولىم- ءجىتىمنىڭ كەزەكتى رەكوردى ورنادى: سەيسەنبىدە ەلدە COVID-19-دان 4470 ادام قايتىس بولدى - بۇل پاندەميا كەزىندەگى ەڭ جوعارى كورسەتكىش. جاپپاي ۆاكسيناتسيا ا ق ش- تا جەلتوقسان ايىندا باستالعان ەدى. ءبىراق عالىمداردىڭ ايتۋىنشا، ونىڭ ايتارلىقتاي ناتيجەلەرىن تەك كوكتەمدە كۇتۋگە بولادى. جاقىندا بيلىك بۇدان بىلاي ا ق ش- قا كەلگەندەردىڭ بارلىعى كوروناۆيرۋسقا تەست تاپسىرۋى كەرەكتىگىن مالىمدەدى. ا ق ش ناۋقاستار مەن قايتىس بولعاندار سانى بويىنشا الەمدە ءبىرىنشى ورىندا - سايكەسىنشە 22,8 ميلليون جانە 380,7 مىڭ ادام. كورشىلەس جاتقان كانادا دا ىندەتتىڭ ەكىنشى تولقىنىن باستان كەشۋدە. حالقى كوپ ونتاريو پروۆينسياسىنىڭ ۇكىمەتى تۇرعىندارعا ۇيلەرىنەن سەبەپسىز شىعۋعا تىيىم سالدى. ايماق گۋبەرناتورى دەنساۋلىق ساقتاۋ جۇيەسى بارىنشا جۇمىس ىستەپ جاتقانىن ايتتى.

ۇلى بريتانياداعى رەكوردتىق ءولىم- ءجىتىم


ۇلى بريتانيادا ءولىم- ءجىتىم رەكوردتى كورسەتكىشكە جەتتى. وتكەن تاۋلىكتە ەلدە كوروناۆيرۋس جۇقتىرعان 1564 ادام قايتىس بولدى. ۇلى بريتانيا پرەمەر-ءمينيسترى بوريس دجونسون سارسەنبىدە وتكەن بريفينگتە ۇكىمەت جاڭا شەكتەۋلەرگە بارۋعا دايىن ەكەنىن ايتتى. سونىمەن بىرگە شوتلانديا ۇكىمەتى دە قوسىمشا تالاپتار ەنگىزدى. جاقىن ارادا انگليادا دا وسىنداي شارالار ەنگىزىلۋى مۇمكىن.

«برازيليا ۆيرۋسى»: جاڭا مۋتاتسيا - يممۋنيتەتكە قاۋىپ

ۇلتتىق جۇقپالى اۋرۋلار ينستيتۋتىنىڭ جاپون عالىمدارى برازيليادان كەلگەن ءتورت تۋريستىڭ اناليزىنەن SARS- Cov-2 كوروناۆيرۋسىنىڭ جاڭا ءتۇرىنىڭ بەلگىلەرىن تاپتى. ءدال وسىنداي مۋتاتسيا وسىنىڭ الدىندا ۇلى بريتانيا مەن وڭتۇستىك افريكادا انىقتالعان ەدى. د د س ۇ- دا COVID-19 پاندەمياسىمەن كۇرەس ءۇشىن جاۋاپتى ماريا ۆان كەركحوۆ بارلىق ەلدەردىڭ بيلىگىن قىراعىلىققا شاقىردى.

سەبەبى «برازيليالىق شتامم» دەپ اتالعان جاڭا مۋتاتسيانى اۋىزدىقتاۋ قيىن بولۋى مۇمكىن.

ۆاكسينالار: ساپاسى مەن سانى كۇمان تۋدىرادى


سارسەنبىدە ۆاكسيناتسيا ناۋقانى الەمدەگى ەڭ كوپ قونىستانعان ەلدەردىڭ ءبىرى - يندونەزيادا باستالدى. جەرگىلىكتى رەتتەۋشى قىتايدىڭ CoronaVac ۆاكسيناسى (Sinovac شىعارعان) برازيليادا جۇرگىزىلگەن سوڭعى كلينيكالىق زەرتتەۋدە تيىمدىلىكتىڭ %50 عانا كورسەتكەنىنە (بۇل كورسەتكىش برازيليا بيلىگىنىڭ رەسمي ماقۇلداۋىنا جەتكىلىكتى بولدى) قاراماستان، ونى ءوز ەلىندە قولدانۋعا رۇقسات بەردى. يندونەزيا پرەزيدەنتى دجوكو ۆيدودو ۆاكسينالاۋدان وتكەن العاشقى ادام بولدى.

بۇل ءسات جەرگىلىكتى تەلەارنادا تىكەلەي ەفيردە كورسەتىلدى. ال ەۋرووداقتىڭ قۇزىرلى ورگاندارى وكسفورد ۋنيۆەرسيتەتى مەن AstraZeneca كومپانياسى ازىرلەگەن ۆاكسينانى ماقۇلداۋ راسىمىنە كىرىستى. ە و ەلدەرى ونى قولدانۋعا بولاتىن ءساتتى اسىعا كۇتۋدە.

سەبەبى وداقتىڭ كوپ ەلىندە ۆاكسينالاۋ وتكەن جىلدىڭ جەلتوقسان ايىندا باستالىپ كەتكەنىمەن، ول كۇتىلگەندەي تەز جانە ءتيىمدى ناتيجە بەرمەي وتىر.

ال ۇلى بريتانيا بيلىگى AstraZeneca پرەپاراتىنىڭ قولدانىسىنا رۇقسات بەرىپ قويدى. Politico سايتىنىڭ حابارلاۋىنشا، ە و- نىڭ ءىرى ەلدەرىندە حالىقتىڭ شامامەن %1 ۆاكسيناتسيادان ءوتتى. دەگەنمەن كەيبىر مەملەكەتتەردە ۆاكسينالانعاندار سانى بۇدان دا تومەن، مىسالى، فرانسيادا ءار 100 تۇرعىنعا ورتاشا ەسەپپەن 0,29 ادامنان كەلەدى. ۋكراينا پرەزيدەنتى ۆلاديمير زەلەنسكي ە و- عا ۆاكسينالار ساتىپ الۋعا كومەك سۇرادى: ول بۇل تۋرالى جاقىندا سايلانعان مولدوۆا پرەزيدەنتى مايا ساندۋدىڭ كيەۆكە ساپارى كەزىندە ايتتى. دجونس حوپكينس ۋنيۆەرسيتەتىنىڭ مالىمەتى بويىنشا، ۋكراينادا 1,1 ميلليوننان استام ادام كوروناۆيرۋس جۇقتىردى، شامامەن 21 مىڭ ادام قايتىس بولدى.

ەۋروپا: كارانتين شارالارى جەڭىلدەتىلمەيدى


فرانسيا ۇكىمەتىنىڭ عىلىمي كەڭەسشىلەرى ۇلى بريتانيادا العاش رەت پايدا بولعان كوروناۆيرۋستىڭ جاڭا، الدەقايدا جۇقپالى ءتۇرىن - «بريتاندىق شتامنىڭ» تارالماۋىنا قاجەتتى شەكتەۋ شارالارىن ەنگىزۋگە شاقىردى. عالىمداردىڭ پىكىرىنشە، قازىرگى ۋاقىتتا بريتاندىق نۇسقا - فرانسيادا COVID-19 جاڭا جاعدايلارىنىڭ %1 قۇراپ وتىر. گەرمانيا بۇعان دەيىن بيلىك كۇتكەندەي، اقپان ايىنىڭ باسىندا شەكتەۋ شارالارىن الىپ تاستاۋ نەمەسە جەڭىلدەتۋ قادامدارىنا بارا المايدى، دەدى سارسەنبىدە ەلدىڭ دەنساۋلىق ساقتاۋ ءمينيسترى يەنس شپان.

ونىڭ ايتۋىنشا، ۆيرۋستى ۇستاپ تۇرۋ ءالى دە قيىن جانە ۆاكسيناتسيانىڭ العاشقى ناتيجەلەرىن كۇتۋ كەرەك، ول تەك ەكى- ءۇش ايدان كەيىن بولادى. روبەرت كوح ينستيتۋتىنىڭ مالىمەتىنشە، سارسەنبىدە گەرمانيادا اۋرۋدىڭ 19,6 مىڭ جاڭا جاعدايى انىقتالدى. وتكەن تاۋلىكتە 1060 ادام قايتىس بولدى.

قىتايدا ميلليونداعان ادام كارانتيندە


37,5 ميلليون حالقى بار قىتايدىڭ سولتۇستىك- شىعىسىنداعى حيلۋڭجيان پروۆينسياسى سارسەنبىدە توتەنشە جاعداي جاريالادى.

پروۆينسيانىڭ شەكارالارى جابىلدى، ونىڭ شەكاراسىنان تەك ارنايى رۇقسات بويىنشا شىعۋعا بولادى. وتكەن اپتانىڭ اياعىنان باستاپ ءتورت قالادا قاتاڭ كارانتين ەنگىزىلدى، 28 ميلليوننان استام ادامعا ۇيلەرىنەن شىقپاۋعا نۇسقاۋ بەرىلدى. جاپونيا وسى ۋاقىتقا دەيىن توكيو مەن قالا ماڭىندا عانا كۇشىندە بولعان توتەنشە جاعداي رەجيمىن باسقا جەتى ءىرى ايماققا دا ەنگىزەدى. جاپونيادا ءولىم- ءجىتىم كورسەتكىشى ەڭ تومەن سانالادى: پاندەميا باستالعاننان بەرى وندا 4100-گە جۋىق ادام قايتىس بولدى، بۇل ا ق ش- قا قاراعاندا از.

اۆتور: گۇلزات اقجولوۆا



#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات