ترامپقا يمپيچمەنت جاريالاۋ تۋرالى قاۋلى جاريالاندى
پرەزيدەنت ترامپقا يمپيچمەنت جاريالاۋ تۋرالى قاۋلىعا وكىلدەر پالاتاسىنىڭ سپيكەرى نەنسي پەلوسي قول قويدى. پرەزيدەنت دونالد ترامپ ا ق ش تاريحىنداعى ەكى رەت يمپيچمەنت جاريالانعان العاشقى مەملەكەت باسشىسى بولدى. بۇل شەشىمدى ماقۇلداۋى ءتيىس سەنات جاڭا پرەزيدەنت يناۋگۋراتسياسىنان كەيىن ايىپتاۋلاردى قاراستىرماق.
سارسەنبى كۇنى كەشكە كونگرەستەگى دەموكراتتار كەتىپ بارا جاتقان پرەزيدەنتتى يمپيچمەنت پروتسەسىن تەز ارادا وتكىزۋ تۋرالى ۋادەسىن ورىندادى. بىرنەشە ساعات ىشىندە وكىلدەر پالاتاسى پرەزيدەنت ترامپتىڭ ايىپتاۋلارىنىڭ جالعىز بابىن قاراپ، ماقۇلدادى، ونى بۇلىككە يتەرمەلەگەنى ءۇشىن كىنالى دەپ جاريالادى.
يمپيچمەنت پالاتا سپيكەرى نەنسي پەلوسي قۇجاتقا قول قويعاننان كەيىن كۇشىنە ەندى. الايدا تۇپكىلىكتى شەشىمدى سەنات قابىلداۋى كەرەك. ءبىر كۇن بۇرىن كاپيتوليي عيماراتىنىڭ اينالاسىنا ا ق ش ۇلتتىق گۆاردياسىنىڭ 15 مىڭ قارۋلى جاۋىنگەرى ورنالاستىرىلدى. كەيبىر زاڭ شىعارۋشىلار اتاپ وتكەندەي، بۇل يراك پەن اۋعانستانداعى امەريكالىق اسكەري كونتينگەنتتەن دە كوپ. ونداعان ساربازدار كونگرەسس دالىزدەرىندە ەدەندە وتىردى، سوندىقتان زاڭ شىعارۋشىلاردىڭ ءبىرى جۋرناليستەرگە بۇل عيمارات اسكەر كازارماسىن ەسكە سالاتىنىن ايتتى.
ەسكە سالساق، بۇعان دەيىن ا ق ش كونگرەسىنە ترامپ يمپيچمەنتى تۋرالى رەزوليۋتسيا ۇسىنىلعان بولاتىن. 6-قاڭتاردا ا ق ش كونگرەسى سايلاۋشىلاردىڭ داۋسىن ەسەپتەپ، 2020 -جىلعى پرەزيدەنت سايلاۋىنىڭ قورىتىندىسىن شىعارۋ ءۇشىن جينالعان بولاتىن. وسى كۇنى دونالد ترامپ جاقتاستارىنىڭ جاپپاي نارازىلىق اكسياسىنان كەيىن وعان قاتىسۋشىلاردىڭ ءبىر توبى كونگرەسس عيماراتىنا باسىپ كىردى.
اۆتور: اياۋلىم التىنبەك