+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

«قازاق حاندىعى» كينوتۋىندىسى تۇركيا مەن قىتايدا كورەرمەنگە جول تارتادى

14 قاڭتار 10:40
:ءبولىسۋ
«قازاق حاندىعى» كينوتۋىندىسى تۇركيا مەن قىتايدا كورەرمەنگە جول تارتادى

الماتى. قازاقپارات - وتاندىق «الماس قىلىش»، «التىن تاق» كوركەم فيلمدەرىن جانە «قازاق حاندىعى» تاريحي تەلەحيكاياسىنىڭ ەكى ماۋسىمىن تۇركيانىڭ Duru Filmcilik پەن قىتايدىڭ Magic Fair ديستريبيۋتەرلىك كومپانيالارى ساتىپ الدى.

الداعى ۋاقىتتا رەجيسسەر رۇستەم ءابدىراشتىڭ تۋىندىلارى تۇركيا مەن قىتايدا كورەرمەنگە جول تارتادى. ال بۇعان دەيىن «الماس قىلىش» فيلمىنىڭ كورسەتۋ قۇقىعىن وڭتۇستىك كورەيالىق Amadeus كومپانياسى ساتىپ العان ەدى.

كورنەكتى جازۋشى ءىلياس ەسەنبەرليننىڭ «الماس قىلىش» رومانى جەلىسى بويىنشا تۇسىرىلگەن «قازاق حاندىعى» جوباسى XV عاسىرداعى كوشپەلى قازاق تايپالارىنىڭ باسىن قوسقان قازاقتىڭ العاشقى حاندارى - كەرەي مەن جانىبەك سۇلتاننىڭ بيلىك قۇرعان كەزەڭىن قامتيدى.

ەكىنشى ماۋسىمنىڭ وقيعا جەلىسى جانىبەك پەن كەرەي حانداردىڭ ءابىلقايىر شايباني ۇرپاقتارىمەن قازاق حاندىعىنىڭ سىعاناقتاعى تاعى ءۇشىن تالاسى اينالاسىندا ءوربيدى. فيلمنىڭ سەناريى ءىلياس ەسەنبەرليننىڭ «الماس قىلىش» رومانىنىڭ نەگىزىندە جازىلعان.

«قازاق حاندىعى» كينوسەريالىنىڭ ەكىنشى ماۋسىمى - «قازاق حاندىعى. التىن تاق» فيلمىن ق ر مادەنيەت جانە سپورت مينيسترلىگىنىڭ تاپسىرىسى بويىنشا «Centaurus Rustem Abdrashev production» ج ش س- ءنىڭ قاتىسۋىمەن شاكەن ايمانوۆ اتىنداعى «قازاق فيلم» كينوستۋدياسى تۇسىرگەن. اتالعان فيلم بيىل ناۋرىز ايىندا پروكاتقا شىققان بولاتىن.

وتكەن اپتادا «قازاق حاندىعى. التىن تاق» فيلمى پاريجدە وتكەن قازاق كينوسىنىڭ فەستيۆالى اياسىندا كورسەتىلىپ، «ۇزدىك تاريحي تۋىندى» ەستەلىك جۇلدەسىمەن ماراپاتتالدى. ۇيىمداستىرۋشىلار بۇل سىيلىقتى ءفيلمدى كورەرمەندەرگە تانىستىرۋ ءۇشىن فرانسياعا ارنايى بارعان رەجيسسەر رۇستەم ابدىراشيەۆ جانە اكتريسا مادينا ەسمانوۆاعا تابىستادى.

قازىرگى ۋاقىتتا تاريحي كينوداستاننىڭ Netflix ستريمينگ پلاتفورماسىندا شىعۋى تۋرالى كەلىسسوزدەر جۇرگىزىلىپ جاتىر.

massaget.kz


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات