+7 (701) 759 90 19
-8 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

الماتى تەاترىندا «ابايدىڭ جۇمباعى» ساحنالاندى

14 قاڭتار 10:28
:ءبولىسۋ
الماتى تەاترىندا «ابايدىڭ جۇمباعى» ساحنالاندى

الماتى. قازاقپارات - الماتىلىقتار اباي جۇمباعىنىڭ شەشىمىن تاعى شەشۋگە تىرىستى، دەپ حابارلايدى قازاقپارات ءتىلشىسى.

م. اۋەزوۆ اتىنداعى قازاق ۇلتتىق اكادەميالىق تەاترىندا «ابايدىڭ جۇمباعى» سپەكتاكلى كەزەكتى رەت ساحنالاندى. قازاق رۋحانياتىنىڭ پاسپورتى اتانعان اباي تۇلعاسىن زەرتتەۋ ءسىرا ەشقاشان اياقتالماس.

بۇل قويىلىمدا دا ۇلى اقىن قوعام دەرتىنىڭ داۋاسىن ىزدەپ شارق ۇرادى. سانسىز ساۋالدارعا جاۋاپ ىزدەپ، شىندىق پەن اقيقاتقا جەتۋدىڭ شەرلى جولىندا جۇرەدى. مىڭمەن جالعىز الىسقان اباي بەينەسىن قازاقستاننىڭ ەڭبەك سىڭىرگەن قايراتكەرى، «قۇرمەت» وردەنىنىڭ، «قۇلاگەر» سىيلىعىنىڭ يەگەرى، اكتەر بولات ءابدىلمانوۆ وسى جولى سول بيىگىنەن تومەندەتكەن جوق.

ابايدىڭ ءوز قاراسوزدەرى مەن ولەڭدەرى بويىنشا جازىلعان كومپوزيتسيالىق قويىلىمنىڭ ساحنالىق نۇسقاسىن بەلگىلى جازۋشى- دراماتۋرگ مادينا وماروۆا جاسادى.

قويۋشى رەجيسسەرى - اريداش وسپانبايەۆا. قويۋشى سۋرەتشى - مۇرات ساپاروۆ. ۇتىمدى رەجيسسۋرالىق شەشىم، شەبەر اكتەرلىك قۇرام ابايدىڭ ونسىز دا بيىك تۇلعاسىن اسقاقتاتا ءتۇستى.

بىرنەشە ساعاتقا سوزىلعان سپەكتاكلدە ۇلى حاكىمنىڭ عۇمىرى، تۇلعالىق قالىپتاسۋى تىزبەكتەلىپ كورسەتىلدى. بالا ابايدىڭ كوڭىلىندە ەرتە باستان تۋىنداعان ريتوريكالىق ساۋالدار كورەرمەننىڭ كوڭىلىن تولقىتادى. جاس ابايدىڭ كوكىرەگىندەگى ۋ مەن دەرت، زاپىران، تۇڭعيىق وي تراگەديالىق مونولوگپەن بەرىلەدى. سپەكتاكلدىڭ دەكوراتسياسىندا مينيمالدى ستيل ايقىن. ءبىراق، بۇل قويىلىمنىڭ مازمۇنىن كەرىسىنشە اشا تۇسكەن.

اسىرەسە دوڭگەلەك ۇلكەن اينا «قوعامنىڭ ايناسى» تارىزدەس ونىڭ كەمشىلىگى مەن ولقىلىعىن كورسەتىپ تۇر. اينانىڭ شىندىعىنان، اقيقاتىنان قاشۋ مۇمكىن ەمەس. ساحناداعى ءار قيمىل قوزعالىس، ءار مونولوگ پەن ديالوگ ادامدارعا «ەندى ءوز كوكەيىڭدەگى ايناڭا ءۇڭىل، سوعان قاراپ تۇزەل» دەگەن وي تاستاپ تۇرعان سياقتى بولادى.

جاس ابايدىڭ رولىندە ن. قۋانىشباي ۇلى كورىنسە، قۇنانبايدىڭ وبرازىندا بەلگىلى اكتەر س. مەرەكە ۇلى، زەرە مەن ۇلجان بەينەسىندە گ. تۇتوۆا مەن ش. اسقاروۆا، توعجان رولىندە د. ۇسەنوۆا وينايدى، جاس اكتەر ج. قونىسباي ءابدىراحماننىڭ، ال وسپاننىڭ كەلبەتىن ە. تۇرىسوۆ كەيىپتەيدى.

ايتا كەتۋ كەرەك، تەاترعا كەلۋشىلەردىڭ سانى 100 ادامنان اسقان جوق. ەپيدەميولوگيالىق قاۋىپسىزدىك ماقساتىندا بارلىق سانيتارلىق تالاپ، 1,5 مەترلىك قاشىقتىق قاتاڭ ساقتالدى.

ەستەرىڭىزگە سالايىق، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اشىلعانىنا 95 جىل تولۋىنا وراي مادەنيەت ورداسىنا «ۇلتتىق تەاتر» دارەجەسى بەرىلدى. سالتاناتتى شاراعا ق ر مادەنيەت جانە سپورت ءمينيسترى اقتوتى رايىمقۇلوۆا قاتىستى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات