پرەزيدەنت جارلىعىمەن ايگۇل قۇسپان ەلشى قىزمەتىنەن بوساتىلدى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ جارلىعىمەن ايگۇل سايفوللا قىزى قۇسپان قازاقستان رەسپۋبليكاسىنىڭ بەلگيا كورولدىگىندەگى توتەنشە جانە وكىلەتتى ەلشىسى قىزمەتىنەن، قازاقستان رەسپۋبليكاسىنىڭ ليۋكسەمبۋرگ ۇلى گەرتسوگتىگىندەگى توتەنشە جانە وكىلەتتى ەلشىسى، ەۋروپا وداعىنىڭ جانىنداعى جانە سولتۇستىك اتلانت شارتى ۇيىمىنداعى (ناتو) قازاقستان رەسپۋبليكاسى وكىلدىگىنىڭ باسشىسى قىزمەتىن قوسا اتقارۋدان بوساتىلدى.

قازاقپارات بۇل تۋرالى اقورداعا سىلتەمە جاساپ حابارلايدى.

ەسكە سالايىق، ا. قۇسپان «Nur Otan» پارتياسىنان پارلامەنت ماجىلىسىنە دەپۋتات بولدى. ەلىمىزدە ماجىلىسكە جانە جەرگىلىكتى ءماسليحاتتارعا سايلاۋ 10- قاڭتار كۇنى ءوتتى.

ونىڭ ناتيجەسىندە پارلامەنتتىڭ تومەنگى پالاتاسىنا دەپۋتاتتىق مانداتتارعا 3 پارتيا يە بولدى: «Nur Otan» پارتياسى (76 ماندات)، قازاقستاننىڭ «اق جول» دەموكراتيالىق پارتياسى (12 ماندات)، قازاقستان حالىق پارتياسىنا (10 ماندات).

سونداي-اق 9 دەپۋتات قازاقستان حالقى اسسامبلەياسىنان سايلاندى. ق ر پارلامەنتى ءماجىلىسىنىڭ دەپۋتاتتىق كورپۋسى بارلىعى 107 ادامنان تۇرادى.