اكىمدەر ەسەبى: ينتەرنەتى جوق اۋىلداردا حالىقپەن كەزدەسۋ وفلاين وتەدى

قاراعاندى. قازاقپارات - قاراعاندى وبلىسىندا كوروناۆيرۋس ينفەكتسياسىنىڭ تارالۋىن بولدىرماۋ ماقساتىندا اۋداندار مەن قالالار اكىمدەرىنىڭ حالىقپەن قورىتىندى ەسەپ بەرۋ كەزدەسۋلەرى اكىمدىكتەردىڭ الەۋمەتتىك جەلىلەردەگى رەسمي پاراقشالارىندا ونلاين وتەدى.

جەكلەگەن جاعدايلاردا جەرگىلىكتى تەلەارنالاردا ترانسلياتسيالار جۇرگىزىلەتىن بولادى، دەپ حابارلايدى قازاقپارات.

وبلىس اكىمدىگىنەن ءمالىم ەتكەندەي، قولايلى سانيتارلىق-ەپيدەميولوگيالىق جاعدايى بار وڭىرلەردە، سونداي-اق ينتەرنەتى جوق اۋىلدىق ەلدى مەكەندەردە حالىقپەن كەزدەسۋ وفلاين وتەدى.

«بۇل رەتتە بارلىق سانيتارلىق-ەپيدەميولوگيالىق تالاپتار ساقتالاتىن بولادى. قاتىسۋشىلار سانى 30 ادامنان اسپاۋى ءتيىس. ەگەر كوپ بولسا، وندا توپتار بويىنشا كەزەكپەن وتەدى. اۋداندار مەن قالالار اكىمدەرىنىڭ ەسەپتىك كەزدەسۋلەرى 1- اقپاننان باستالادى، ال 13- قاڭتاردان باستاپ اۋىلدار مەن كەنتتەر باسشىلارىنىڭ ەسەپتەرى وتۋدە. قالالار مەن اۋدانداردا ۇسىنىستار مەن ەسكەرتۋلەردى جيناۋ ءۇشىن Call-ورتالىقتىڭ تەلەفونى جۇمىس ىستەيتىن بولادى»، - دەلىنگەن اقپاراتتا.