+7 (701) 759 90 19
-8 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

ەلوردانىڭ رەسپۋبليكا داڭعىلى ساۋدا نۇكتەلەرى شوعىرلانعان سەرۋەن كوشەسى بولادى

14 قاڭتار 09:14
:ءبولىسۋ
ەلوردانىڭ رەسپۋبليكا داڭعىلى ساۋدا نۇكتەلەرى شوعىرلانعان سەرۋەن كوشەسى بولادى

نۇر-سۇلتان. قازاقپارات - «نۇر-سۇلتان - جايلى قالا» باس جوسپارى اياسىندا رەسپۋبليكا داڭعىلىن ەكونوميكانىڭ شوعىرلانعان ورنى رەتىندە اباتتاندىرۋ جوسپارلانىپ وتىر، حابارلايدى قازاقپارات.

بۇل جوسپار وزگەرىستەر مەن جىلدام ناتيجەلەرگە باعىتتالعان.

«بۇگىنگى كۇنى بارلىق كونتينەنتتە نارىقتىق ساۋدا جانە جەڭىل ونەركاسىپ كوشەلەردە دامىپ كەلەدى. نيۋ-يوركتەگى برودۆەي كوشەسى، لوندونداعى وكسفورد جانە كوپتەگەن باسقا الەمدىك قالالار سياقتى كوشەدەگى ەكونوميكانى قولدايتىن كەرەمەت مىسالدار بار. 2006-جىلدان باستاپ ا ق ش- تا ءبىر دە ءبىر جاڭا ساۋدا ورتالىعى تىركەلگەن جوق. ولار ساۋدا مەن كاسىپكەرلىكتىڭ كوشەدە دامۋى كەرەك ەكەنىنە سەنىمدى» دەپ ءمالىم ەتتى قالالىق ۋربانيستيكا ورتالىعى.

ۆەدومستۆونىڭ اقپاراتىنا سەنسەك، بۇل ءتاسىل حالىقتى جاياۋ جۇرۋگە، سول ارقىلى بەلسەندى جانە ساۋ بولۋعا يتەرمەلەيدى.

«بۇل - بۇگىنگى تاڭدا بۇكىل الەمدەگى وڭالتۋ شاراسى. ءبىز ءوز كەزەگىمىزدە ساپالى قىزمەتتەر مەن تاۋارلار ۇسىنىلاتىن قالاداعى كاسىپكەرلىك كوشەلەردى دامىتۋىمىز كەرەك. كوشەدە سەرۋەندەۋ ءۇشىن جاعداي جاساۋىمىز قاجەت. كوشەلەردى جاڭا زامان تالاپتارىنا بەيىمدەپ، بەلسەندىلىكتى قالىپتاستىرۋ ماڭىزدى» دەلىنگەن حابارلامادا.

بۇل ناتيجەلەر ەكونوميكانىڭ وسۋىنە تۇرتكى بولادى جانە جاياۋ جۇرگىنشىلەردىڭ قوزعالىسى ءۇشىن جاعداي جاسايدى، حالىقتىڭ كىرىسىن ارتتىرۋعا، جاڭا جۇمىس ورىندارىنىڭ پايدا بولۋىنا، ەكونوميكانىڭ وسۋىنە جانە الەۋمەتتىك اسەر ەتۋگە قىزمەت ەتەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات