باس سانيتار ايازدى كۇندەرى بالالاردى مەكتەپتە وقىتۋ شەشىمىنە پىكىر ءبىلدىردى

نۇر-سۇلتان. قازاقپارات - ق ر دەنساۋلىق ساقتاۋ ۆيتسە- ءمينيسترى - باس مەملەكەتتىك سانيتار دارىگەر ەرلان قياسوۆ ايازدى اۋا رايىندا بالالاردى مەكتەپكە جىبەرۋ شەشىمى تۋرالى سۇراققا جاۋاپ بەردى، دەپ حابارلايدى قازاقپارات ءتىلشىسى.

«بيىلعى وقۋ جىلىنىڭ ءبىرىنشى، ەكىنشى توقسانىندا العان تاجىريبەمىزدى ەسكەرە وتىرىپ، ءبىلىم جانە عىلىم مينيسترلىگىمەن بىرلەسىپ، قوسىمشا ازىرلەدىك جانە قاۋلى قابىلدادىق، سونىڭ نەگىزىندە ءۇشىنشى توقساندا 9، 11، 12-سىنىپ وقۋشىلارىن مەكتەپتە وقىتۋعا رۇقسات بەردىك. وقىتۋدىڭ ارالاس نۇسقاسىندا پاندەردىڭ %70 قالىپتى رەجيمدە، %30 - ونلاين رەجيمدە وقىتىلاتىن بولادى»، - دەدى ەرلان قياسوۆ و ك ق- دە وتكەن ونلاين بريفينگتە ءتىلشى سۇراعىنا بەرگەن جاۋابىندا.

«الداعى ۋاقىتتا بولاتىن قولايسىز اۋا رايىنا كەلسەك، ءار وڭىردە جاعداي ءارتۇرلى بولادى. قىس مەزگىلى جىلى بولاتىن ايماقتار دا بار. مۇندا قولايسىز مەتەوجاعدايلارعا بايلانىستى ساباقتى توقتاتۋ شەشىمى ءار وڭىردە جەكە قابىلدانادى»، - دەپ ءتۇسىندىردى قازاقستاننىڭ باس سانيتارلىق دارىگەرى.

اۆتور: ايجان سەرىكجان قىزى