ەلوردادا مۇگەدەك بالانىڭ اناسىن اۆتوبۋسقا وتىرعىزباي قويعان جۇرگىزۋشى جۇمىستان كەتتى

None
None
نۇر- سۇلتان. قازاقپارات - نۇر-سۇلتان قالاسىندا مۇگەدەك بالانى اۆتوبۋسقا وتىرعىزىپ، ونىڭ اناسىن الماي كەتكەن قوعامدىق كولىك جۇرگىزۋشىسى جازاعا تارتىلدى، دەپ حابارلايدى قازاقپارات ءتىلشىسى.

«№1-اۆتوبۋس پاركى كەڭەسىنىڭ تارتىپتىك قورىتىندىسىنا سايكەس، 2021 -جىلعى 11-قاڭتار كۇنى №60-اۆتوبۋستىڭ جۇرگىزۋشىسى جولاۋشىلاردى تاسىمالداۋ تۋرالى ەرەجەنى ساقتاماعان. ونى اۆتوبۋس سالونىندا تۇسىرىلگەن ۆيدەوجازبا دالەلدەپ وتىر. اۆتوبۋس جۇرگىزۋشىسىنەن جازباشا تۇسىنىكتەمە الىندى. اۆتوبۋس پاركى كەڭەسىنىڭ شەشىمىنە سايكەس، بۇگىندە ءتارتىپتى بۇزعان جۇرگىزۋشىمەن ەڭبەك كەلىسىمشارتى ءۇزىلدى. بولعان وقيعا قايتالانباۋ ماقساتىندا بارلىق اۆتوبۋس جۇرگىزۋشىلەر قۇرامى جولاۋشىلاردى قوعامدىق كولىككە وتىرعىزۋ جانە ودان ءتۇسىرۋ ەرەجەسىمەن قايتا تانىستىرىلدى»، - دەدى CTS (City Transportation Systems) ج ش س- نىڭ باسپا ءسوز حاتشىسى وكسانا لوسكۋتوۆا.

ونىڭ ايتۋىنشا، جۇرگىزۋشى جۇمىستان قۋىلۋىمەن قاتار، وعان ايىپپۇل دا سالىندى.

«نۇر-سۇلتان قالاسى اكىمشىلىك پوليتسيا باسقارماسى ق ر اكىمشىلىك قۇقىقبۇزۋشىلىق كودەكسىنىڭ №593-بابىنا سايكەس قوعامدىق كولىك جۇرگىزۋشىسىنە 5 ا ە ك كولەمىندە ايىپپۇل سالدى. ءوز كەزەگىندە №1-ەلوردالىق اۆتوبۋس پاركى اكىمشىلىگى جۇرگىزۋشىنىڭ بەيادەپ ارەكەتى ءۇشىن كەشىرىم سۇرايدى»، - دەيدى ول.

ەسكە سالا كەتسەك، وسىدان بىرەر كۇن بۇرىن ەلوردا تۇرعىنى قوعامدىق كولىككە مۇگەدەك بالانى وتىرعىزىپ، ونىڭ اناسىن تاستاپ كەتكەنى تۋرالى Facebook پاراقشاسىندا جازعان بولاتىن.

اۆتور: ءالي يبرايەۆ

سوڭعى جاڭالىقتار