مولدوۆانىڭ جاڭا پرەزيدەنتى العاشقى شەتەلدىك ساپارىنا اۆتوكولىكپەن باردى

نۇر-سۇلتان. قازاقپارات - مولدوۆا پرەزيدەنتى مايا ساندۋ ءوزىنىڭ العاشقى رەسمي ساپارىنا ۋكرايناعا اۆتوكولىكپەن كەتتى.

بۇل تۋرالى پرەزيدەنتتىڭ باسپا ءسوز قىزمەتى حابارلادى، دەپ جازادى مولدوۆانىڭ Ziarul de Garda گازەتى.

پرەزيدەنتتىڭ باسپا ءسوز حاتشىسى سورينا شتەفيرسا دەلەگاتسيا كيەۆكە ۇشاقپەن ەمەس، كولىكپەن جەتۋگە شەشىم قابىلدادى، ويتكەنى بۇل شىعىنداردى ازايتادى دەپ ءتۇسىندىردى. ونىڭ ايتۋىنشا، بۇل پاندەميا كەزىندە ساياحاتتاۋدىڭ ەڭ ءتيىمدى ءتاسىلى.

12-قاڭتاردا كيەۆكە ساپارى كەزىندە مولدوۆا پرەزيدەنتى مايا ساندۋدىڭ ۋكراينالىق ارىپتەسى ۆلاديمير زەلەنسكيمەن كەزدەسۋىندە ۋكراينا مەن مولدوۆا اراسىنداعى قارىم-قاتىناستاردى ستراتەگيالىق سەرىكتەستىك دەڭگەيىنە شىعارۋ، بىرلەسكەن ەكونوميكالىق جانە ساياسي جوبالاردىڭ ستراتەگياسىن قۇرۋ مەن ەۋروپالىق وداققا مۇشەلىككە قول جەتكىزۋ ءۇشىن بىرلەسە جۇمىس ىستەۋ سەكىلدى جانە تاعى باسقا تاقىرىپتار كەڭىنەن تالقىلاندى.