يندونەزيا كوروناۆيرۋسقا قارسى ۆاكسيناتسيالاۋدا ەرەكشە ءادىس قولداندى
پورتال مالىمەتىنشە، يندونەزيا ۆاكسيناتسيالاۋدا باسقا ءادىس قولدانعان. العاشقى كەزەڭدە ەگدە جاستاعى ادامدارعا ەكپە سالۋدىڭ ورنىنا ەڭ الدىمەن 18-59 جاستاعى ادامدارعا ۆاكسينا سالىنادى.
59 جاستاعى دجوكو ۆيدودو ەلدە ۆاكسينا سالدىرعان العاشقى ادام. ال 77 جاستاعى ۆيتسە-پرەزيدەنت ماارۋف امينگە جاسى ۇلكەن بولعاندىقتان ۆاكسينا سالمايدى.
پروفەسسور امين سەباندريو مۇنداي ءادىس ۇجىمدىق يممۋنيتەت قالىپتاستىرۋعا مۇمكىندىك بەرەتىنىن ايتادى.
«ءبىزدىڭ باستى نىسان - ۆيرۋستى تاراتاتىندار»، - دەدى ول.
270 ميلليون حالقى بار يندونەزيا مەكتەپ پەن مەملەكەتتىك مەكەمەلەردى جاپقانىمەن، ەل ەكونوميكاسىن ويلاعان ۇكىمەت قاتاڭ شەكتەۋ قابىلداۋدان باس تارتقان. حالىقتىڭ جارتىسىنان كوبى بەيرەسمي سەكتوردا جۇمىس ىستەيتىندىكتەن، قاشىقتان جۇمىس ىستەۋ كوپتەگەن ادام ءۇشىن ءتيىمسىز.
«ءبىز جۇمىس كەزىندە كوپ اداممەن بايلانىساتىن ادامداردى ءبىرىنشى ورىنعا قويدىق. سوندىقتان ادامدار ماسەلە تەك ەكونوميكادا دەپ ويلاماسا ەكەن دەيمىن. اڭگىمە ادامداردىڭ قاۋىپسىزدىگى تۋرالى بولىپ تۇر»، - دەيدى ەلدىڭ جاڭا دەنساۋلىق ساقتاۋ ءمينيسترى بۋدي گۋنادي سادىكين.
سونىمەن قاتار، ەل ۇكىمەتى جاستاردى ۆاكسيناتسيالاۋ ارقىلى ەگدە جاستاعى ادامداردى قورعايتىنىن ايتادى.