+7 (701) 759 90 19
-8 °С : نۇر-سۇلتان
-2 °С : الماتى
USD 419.54 EUR 509.2
RUB 5.72 CNY 64.81
جاڭالىقتار

وسكەمەندە تاتۋلاسۋ ورتالىعى اشىلدى

13 قاڭتار 20:24
:ءبولىسۋ
وسكەمەندە تاتۋلاسۋ ورتالىعى اشىلدى

وسكەمەن. قازاقپارات - جانجال مەن داۋلار تەك سوتتا شەشىلەدى دەگەن پىكىر بار. الايدا، الەمدەگى سوت تورەلىگىنىڭ باستى قاعيداسى - داۋلاسۋشى ەك جاقتى ىمىراعا كەلتىرۋ.

وسىلايشا، دامىعان ەلدەردە جانجالداردىڭ 90 پايىزى سوتتان تىس شەشىلەدى، دەپ حابارلايدى ش ق و اقپارات ورتالىعى. شىعىس قازاقستاندا سوڭعى جىلدارى تاتۋلاستىرۋ راسىمدەرىن دامىتۋ ءۇشىن قولدان كەلگەن بارلىق امالدار جاسالۋدا. ماسەلەن، مەدياتسيا ورتالىقتارى مەن كابينەتتەرى تابىستى جۇمىس ىستەۋدە، ال وبلىس سوتتارى تاتۋلاسۋ سالاسىندا 3 جىلدان بەرى كوشباسشى بولىپ كەلەدى. ىستەردىڭ 22 پايىزدان استامى تاتۋلاستىرۋ راسىمدەرىمەن اياقتالعان. وتكەن جىلى 5,5 مىڭنان استام ءىستى رەتتەۋگە قول جەتكىزىلدى. وسى رەتتە، وسكەمەندە تاتۋلاسۋ ورتالىعىنىڭ اشىلۋى تاتۋلاسۋ جانە مەدياتسيا ينستيتۋتىن دامىتۋدىڭ جالعاسى جانە جانجالداردى بەيبىت جولمەن شەشۋگە جانە وتباسىلىق، ەڭبەك قاتىناستارىن ساقتاۋعا جاسالعان ۇلكەن قادام بولدى. شقو اكىمى دانيال احمەتوۆ ورتالىقتىڭ اشىلۋىنا قاتىسىپ، ونىڭ جۇمىسىمەن تانىستى.

«وكىنىشكە وراي، سوڭعى ۋاقىتتا ەلىمىزدە جانە ءبىزدىڭ وبلىستا اجىراسۋ وقيعالارى جيىلەپ بارا جاتقانىن كورىپ وتىرمىز. سوندىقتان ازاماتتىق قوعام جاعدايىندا بىتىمگەرشىلىك راسىمدەرگە باعىتتالعان بارلىق ادىستەر ماڭىزدى. تاتۋلاسۋ ورتالىعى جاقسى ناتيجە بەرەدى دەپ ۇمىتتەنەمىن، ويتكەنى، وتباسى - مەملەكەت نەگىزى. سوندىقتان وتباسى قۇندىلىقتارىن ساقتاۋىمىز كەرەك. جالپى، ورتالىق وتە جايلى، جارىق. قىزمەتتەرىڭىزدىڭ جەمىستى بولۋىن تىلەيمىن» ، - دەدى دانيال احمەتوۆ.

تاتۋلاسۋ ورتالىعىندا 2 پسيحولوگ جانە 3 مەدياتور جۇمىس ىستەيدى. سونىمەن قاتار، مۇندا داۋلاردى شەشۋ ءۇشىن قولايلى جاعداي جاسالعان ديالوگ الاڭى قۇرىلدى.


«قازىر سوتتاساتىن ەمەس، تاتۋلاساتىن زامان» دەگەن ۇعىم بار. مەدياتسيا تارتىبىمەن جاسالعان كەلىسىم، سوت شەشىمىمەن جاسالعان كەلىسىم سياقتى داۋدى تۇپكىلىكتى شەشە الادى. وسى جولدى تاڭداي وتىرىپ، تاراپتار تاۋەلسىز مەدياتورعا جۇگىنەدى، ول شارتتار مەن جاعدايدى تالداۋ ارقىلى جاعدايدى شەشۋدىڭ ءبىر نەمەسە بىرنەشە وڭتايلى نۇسقالارىن ۇسىنادى. سوت ءىسى مەملەكەتتىك باج تولەۋ، ادۆوكات جالداۋ، ۋاقىت جۇمساۋدى تالاپ ەتەدى. سونداي- اق، ادەتتە، تاراپتاردىڭ بىرەۋى سوت شەشىمىنە نارازى بولىپ جاتادى. ال، تاتۋلاسۋ ءادىسى قارىم - قاتىناستى، ىسكەرلىك بايلانىستى، دەنساۋلىقتى، اقشا مەن ۋاقىتتى جوعالتپاۋعا مۇمكىندىك بەرەدى» ، - دەدى شىعىس قازاقستان وبلىستىق سوتىنىڭ ءتوراعاسى نۇرلان قايىربەكوۆ.

تاتۋلاسۋ ورتالىعىنىڭ مەدياتورلارى مەن پسيحولوگتارى تەك وتباسى عانا ەمەس، ەڭبەك، ازاماتتىق قاتىناستار، بانك جانە ساقتاندىرۋ سالاسىنداعى داۋلاردى دا شەشەتىن بولادى. سونداي- اق، اۆتورلىق قۇقىق پەن زياتكەرلىك مەنشىككە قاتىستى داۋلاردى شەشۋگە دە كومەكتەسەدى. ايتا كەتەيىك، مۇنداي ورتالىقتار التاي جانە جارما اۋداندارىندا تابىستى جۇمىس ىستەۋدە.

«سوتتا تالاپكەر جانە جاۋاپكەر بولادى. ناتيجەسىندە ولاردىڭ بىرەۋى جەڭەدى، سايكەسىنشە ەكىنشى جاق نارازىلىق تانىتادى. ءدال وسىنداي جاعدايدا ەكى جاقتىڭ دا كوڭىلىنەن شىعاتىن شەشىم قابىلداۋ قاجەتتىلىگى تۋىندايدى. تاتۋلاسۋ قادامى كەز- كەلگەن جاعدايدى سوت ارقىلى شەشۋدەن گورى الدەقايدا ءتيىمدى. ورتالىقتىڭ جۇمىسى حالىق اراسىنداعى قاقتىعىس دەڭگەيىن ايتارلىقتاي تومەندەتەدى، قۇقىقتىق مادەنيەتتى ارتتىرۋعا ىقپال ەتەدى، داۋلاردى سوتقا دەيىن رەتتەۋدى دارىپتەيدى»، - دەپ اتاپ ءوتتى نۇرلان قايىربەكوۆ.

ايتا كەتەيىك، تاتۋلاسۋ ورتالىعى وسكەمەندە بۋروۆ كوشەسى، 20 , مەكەنجايىندا ورنالاسقان، ال وبلىس تۇرعىندارىنا قىزمەت تەگىن كورسەتىلەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات