+7 (701) 759 90 19
-21 °С : نۇر-سۇلتان
-5 °С : الماتى
USD 419.69 EUR 510.89
RUB 5.63 CNY 64.82
جاڭالىقتار

قوستاناي وبلىسىنىڭ نۇر- سۇلتانعا شىعار جولى اقىلى بولادى

13 قاڭتار 20:09
:ءبولىسۋ
قوستاناي وبلىسىنىڭ نۇر- سۇلتانعا شىعار جولى اقىلى بولادى

قوستاناي. قازاقپارات - بيىل قوستاناي وبلىسىندا العاشقى اقىلى جول پايدا بولادى، دەپ حابارلايدى قازاقپارات «قازاۆتوجول» ۇ ك» ا ق وبلىستىق فيليالىنىڭ ديرەكتورى اندرەي گورۆاتقا سىلتەمە جاساپ.

2021 -جىلى قوستاناي وبلىسىنىڭ نۇر- سۇلتان قالاسىنا وتەتىن جولى اقىلى بولادى. اندرەي گورۆاتتىڭ ايتۋىنشا، اقىلى جولدىڭ ۇزىندىعى 422 شاقىرىمعا سوزىلعان. بۇعان قوسا قوستاناي وبلىسىنىڭ رەسەيمەن شەكتەسەتىن فەدوروۆ جانە قارابالىق اۋداندارىنىڭ جولدارىنا دا جولاقى جۇيەسى ەنگىزىلۋى مۇمكىن.

«اقىلى بەكەتتەر جاقىن ارادا قويىلادى. مۇنداي شارا رەسپۋبليكالىق بيۋدجەتكە تۇسەتىن اۋىرتپالىقتى ازايتۋ ءۇشىن ەنگىزىلدى. اقىلى جولدان تۇسكەن پايدا وبلىستاعى جولداردى جوندەۋگە جۇمسالادى. باستاپقىدا اقشا تەك جۇك كولىكتەرىنىڭ جۇرگىزۋشىلەرىنەن جينالادى. جول ءجۇرۋ قۇنى كولىكتىڭ جۇك كوتەرگىشتىگىنە بايلانىستى بولادى. ناقتى تاريف قۇنى ءالى تالقىلانادى. الدىمەن قارجى مينيسترلىگىنە شىعىپ، ءتيىستى قۇجاتتاردى بەكىتەمىز. ءبىراق جولعا ەنگىزىلەتىن باعا شۋچە- بۋرابايداعى جولدان قىمبات بولماۋى ءتيىس»، - دەپ اتاپ ءوتتى اندرەي گورۆات.

قوستاناي وبلىسىنداعى اقىلى جولدارىنا شلاگباۋمدار ورناتىلمايدى. مۇندا تەك ارنايى باقىلاۋ كامەرالارى قويىلادى. كامەرالار جۇك ماشينالارىنىڭ نومىرلەرىن تىركەيدى، ال جولدى پايدالانۋ ءۇشىن تولەمدى ونلاين نەمەسە قولما- قول اقشامەن 2 بەكەتتە تولەۋگە بولادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات