ەلوردادا ايەل قۇدىققا قۇلاپ كەتتى - ۆيدەو

نۇر-سۇلتان. قازاقپارات - نۇر- سۇلتاندا ايەل ادام قۇدىققا قۇلاپ كەتتى، دەپ حابارلايدى قازاقپارات قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

باسپا ء سوز قىزمەتىنىڭ مالىمەتتەرىنە قاراعاندا، 13 -قاڭتار كۇنى استانالىق ت ج د قابانباي باتىر كوشەسى بويىندا ايەلدىڭ قۇدىققا ءتۇسىپ كەتكەندىگى حابارلاما كەلىپ تۇسكەن. جايسىز حابار جەتىسىمەن قۇتقارۋشىلار وقيعا ورنىنا شىققان. جەكە قۇرامنان 9 ادام جانە 2 تەحنيكا وقيعا بولعان جەرگە كەلىپ، جەدەل تۇردە قۇتقارۋ وپەراتسياسىنا كىرىستى.

«قۇتقارۋ ساتىسىنىڭ جانە قۇتقارۋشىلار مەن پوليتسيا قىزمەتكەرلەرىنىڭ بىرلەسكەن ارەكەتىنىڭ ارقاسىندا ايەل ادام قۇدىقتان امان- ەسەن شىعارىلىپ، ول جەدەل جاردەم قىزمەتكەرلەرىنە تاپسىرىلدى. بۇدان سوڭ ول 1 كوپ سالالى قالالىق اۋرۋحاناعا جەتكىزىلىپ، قازىرگى كەزدە دەنساۋلىق جاعدايى قاناعاتتانارلىق، ۇيىنە جىبەرىلدى»، - دەلىنگەن حابارلامادا.