الماتىدا قازاقستان مەن ا ق ش دامۋعا رەسمي كومەك سالاسىنداعى ىنتىماقتاستىق الەۋەتىن تالقىلادى
كەزدەسۋ بارىسىندا دامۋعا رەسمي كومەك (د ر ك) سالاسىنداعى ىنتىماقتاستىقتىڭ وزەكتى ماسەلەلەرى جانە ءوزارا ءىس- قيمىلدىڭ الەۋەتتى باعىتتارى، سونىڭ ىشىندە «KazAID» اگەنتتىگىنىڭ قىزمەتكەرلەرى ءۇشىن تاجىريبەلىك سەمينارلار مەن بىلىكتىلىكتى ارتتىرۋ كۋرستارىن ۇيىمداستىرۋ ماسەلەلەرى تالقىلاندى. ر. جوشىبايەۆ قازاقستاندىق د ر ك جۇيەسىن قالىپتاستىرۋ بويىنشا ق ر س ءى م- ءنىڭ جۇرگىزگەن جۇمىسى، قازاقستاننىڭ شەتەلدىك دونورلارمەن ىنتىماقتاستىقتا سوڭعى بىرنەشە جىل ىشىندە ىسكە اسىرعان پيلوتتىق جوبالارى، سونىمەن قاتار بۇل سالاداعى ۇلتتىق وپەراتوردىڭ قۇرىلعانى تۋرالى حاباردار ەتتى.
بۇدان وزگە، ق ر س ءى م وكىلى اۋعانستاننىڭ الەۋمەتتىك- ەكونوميكالىق قالپىنا كەلۋى جانە مەملەكەتتىك باسقارۋ، ءبىلىم بەرۋ، دەنساۋلىق ساقتاۋ جانە اۋىل شارۋاشىلىعى مەن ت. ب. سالالارىن دامىتۋعا باعىتتالعان قازاقستاننىڭ اير- عا تۇراقتى تۇردە كورسەتىپ جاتقان كومەگى تۋرالى اڭگىمەلەپ بەردى. ءوز كەزەگىندە، «USAID» وكىلى «KazAID» اگەنتتىگىنىڭ قۇرىلعانىن جىلى قابىلداپ، ۇلتتىق درك جۇيەسىن دامىتۋ ءۇشىن تەحنيكالىق كومەك كورسەتۋگە جانە ونىڭ پىكىرىنشە، ورتالىق ازيا مەن اۋعانستاندا تۇراقتىلىقتى نىعايتۋعا ۇلەس قوسا الاتىن بۇل سالاداعى تاجىريبەمەن بولىسۋگە ازىرلىگىن ءبىلدىردى. سونىمەن قاتار، ح. پەدرا اتالعان ەلدەرگە ولاردىڭ دامۋى ماقساتىنداعى قازاقستاننىڭ كومەك كورسەتۋى بويىنشا كۇش- جىگەرىن جوعارى باعالادى.
قازاقستاندىق تاراپ ورتالىق ازيا ەلدەرى مەن اۋعانستاندا حالىققا قىزمەت كورسەتۋ ورتالىقتارىن قۇرۋ، ەلەكتروندى ۇكىمەت جۇيەسىن ەندىرۋ، شەكارا ماڭىنداعى ساۋدانى دامىتۋ، سونداي- اق تازا اۋىز سۋمەن قامتاماسىز ەتۋ، سۋ رەسۋرستارىن ءتيىمدى پايدالانۋ جانە ت. ب. جوبالاردى بىرلەسە ىسكە اسىرۋ مۇمكىندىكتەرىن قاراستىرۋدى ۇسىندى. كەزدەسۋ قورىتىندىسى بويىنشا تاراپتار د ر ك سالاسىنداعى ىنتىماقتاستىقتى ودان ءارى تەرەڭدەتۋگە، سونىڭ ىشىندە جاقىن ارادا بۇل سالاداعى ىنتىماقتاستىقتى ساپالى جاڭا دەڭگەيگە جەتكىزۋگە مۇمكىندىك بەرەتىن قازاقستان مەن ا ق ش اگەنتتىكتەرىنىڭ اراسىنداعى ءوزارا تۇسىنىستىك تۋرالى مەموراندۋمعا قول قويۋعا ۋاعدالاستى.