قازاقستاندا ورتا ەسەپپەن پارا كولەمى قالاي وزگەردى؟ - زەرتتەۋ قورىتىندىسى

نۇر-سۇلتان. قازاقپارات - قازاقستاندا ورتا ەسەپپەن پارا كولەمى قالاي وزگەردى؟

بۇل سۇراققا «Transparency Kazakhstan» ق ق اتقارۋشى ديرەكتورى ولگا شيان جاۋاپ بەردى، دەپ حابارلايدى قازاقپارات ءتىلشىسى.

جەمقورلىققا قاتىستى ارنايى زەرتتەۋ قورىتىندىسىن جاريا ەتكەن ولگا شياننىڭ ايتۋىنشا، ازاماتتار كوبىنەسە ەم الۋ نەمەسە ەمدەلۋگە جولداما الۋ (%12,7)، جۇمىسقا ورنالاسۋ (%10,1)، بالانى بالاباقشاعا ورنالاستىرۋ (%6,1)، جەر ماسەلەسىن شەشۋ (%6,5)، ح ق ك و- دان انىقتاما الۋ (%5,1)، سەسسيانى «جابۋ» (%4,4)، سالىق ەسەبىن تاپسىرۋ (%9)، جول بەرىلگەن زاڭبۇزۋشىلىقتار بويىنشا جاۋاپكەرشىلىكتەن اۋلاق بولۋ (%8,4) قاجەتتىگىنە بايلانىستى پارا بەرىپ جاتادى.

«رەسپوندەنتتەردىڭ سىبايلاس جەمقورلىققا تارتىلۋىنا وتىنىشتەردىڭ جيىلىگى ەمەس، الۋشىنىڭ قىزمەتكە قىزىعۋشىلىق دارەجەسى اسەر ەتەتىنىن اتاپ وتكەن ءجون. رەسپوندەنتتەر جاعدايلاردىڭ جارتىسىندا ماسەلەنى بەيرەسمي شەشۋدىڭ باستاماشىلارى مەملەكەتتىك مەكەمەلەردىڭ قىزمەتكەرلەرى، سونداي- اق دەلدالدار ەكەنىن اتاپ ءوتتى. ءبىر جىل ىشىندە سىبايلاس جەمقورلىق مامىلەلەرىندەگى دەلدالداردىڭ ۇلەسى %6 عا ءوستى ، - دەپ اتاپ ءوتتى ولگا شيان ورتالىق كوممۋنيكاتسيالار قىزمەتىندە وتكەن بريفينگتە.

ساۋالناماعا قاتىسقانداردىڭ ۇشتەن ەكىسى، ەگەر قانداي دا ءبىر مەكەمەنىڭ قىزمەتكەرى پارا العىسى كەلسە، وندا ول اۋرە- سارساڭعا سالىپ، ءوز وكىلەتتىكتەرىن اسىرا پايدالاناتىنىن اتاپ وتكەن. پارا سوماسى 1000-نان 300000 تەڭگەگە دەيىن وزگەرگەن (2019 -جىلى-500 دەن 500000 تەڭگەگە دەيىن بولعان).