اۋەجايعا ءاليا مولداعۇلوۆانىڭ ەسىمى بەرىلدى

نۇر-سۇلتان. قازاقپارات – «اقتوبە» حالىقارالىق اۋەجايىنا ءاليا مولداعۇلوۆا ەسىمى بەرىلدى، دەپ حابارلايدى Egemen.kz.

«اقتوبە حالىقارالىق اۋەجايى» اكسيونەرلىك قوعامىنا ءاليا مولداعۇلوۆانىڭ ەسىمىن بەرۋ تۋرالى قاۋلىعا ق ر پرەمەر- ءمينيسترى اسقار مامين قول قويدى.

قاۋلى «قازاقستان رەسپۋبليكاسىنىڭ اۋماعىنداعى اۋەجايلارعا، پورتتارعا، تەمىرجول ۆوكزالدارىنا، تەمىرجول ستانسالارىنا، مەتروپوليتەن ستانسالارىنا، اۆتوۆوكزالدارعا، اۆتوستانسالارعا، فيزيكالىق- گەوگرافيالىق جانە مەملەكەت مەنشىگىندەگى باسقا دا وبەكتىلەرگە اتاۋ بەرۋ، سونداي-اق ولاردى قايتا اتاۋ، ولاردىڭ اتاۋلارىنىڭ ترانسكريپتسياسىن ناقتىلاۋ مەن وزگەرتۋ جانە مەملەكەتتىك زاڭدى تۇلعالارعا، مەملەكەت قاتىساتىن زاڭدى تۇلعالارعا جەكە ادامداردىڭ ەسىمىن بەرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 1996 -جىلعى 5-ناۋرىزداعى №281-قاۋلىسىنا سايكەس شىعارىلدى.