12:25, 13 - قاڭتار 2021 | GMT +6
كوروناۆيرۋس: قازاقستاننىڭ ەكى وبلىسى «قىزىل» ايماقتا تۇر
نۇر-سۇلتان. قازاقپارات - ق ر دەنساۋلىق ساقتاۋ مينيسترلىگى 13-قاڭتارداعى ەل وڭىرلەرىندەگى ەپيدەميولوگيالىق احۋالدى باعالاۋ ماتريتساسىن جاريالادى، دەپ حابارلايدى قازاقپارات.
كەشە، ياعني 12-قاڭتاردا «قىزىل» ايماقتا اقمولا مەن قوستاناي وبلىسى بولعان ەدى. «قىزىل» ايماقتاعى وڭىرلەر بويىنشا بۇگىنگى ماتريتسا وزگەرگەن جوق.
ال «سارى» ايماقتا اتىراۋ، پاۆلودار، سولتۇستىك قازاقستان، باتىس قازاقستان وبلىستارى، نۇر-سۇلتان مەن الماتى قالالارى بار. قالعان وڭىرلەردىڭ بارلىعى - «جاسىل» ايماقتا. جالپى قازاقستان اۋماعى كوروناۆيرۋس بويىنشا «سارى» ايماققا ەنگىزىلگەن.
اۆتور: ايان بەكەن ۇلى