الماتىدا الەم تاريحىندا كولەمى جاعىنان ەكىنشى گەروين پارتياسى جويىلدى

الماتى. قازاقپارات - الماتىدا ەسىرتكى كونترابانداسىمەن كۇرەستىڭ الەم تاريحىندا كولەمى جاعىنان ەكىنشى گەروين پارتياسى جويىلدى.

بۇل تۋرالى قازاقپارات قارجى مونيتورينگى كوميتەتىنە سىلتەمە جاساپ حابارلايدى.

الماتى قالاسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى ارنايى كوميسسيانىڭ قاتىسۋىمەن جالپى سالماعى 1,1 توننادان اساتىن گەرويننىڭ اسا ءىرى پارتياسىن جويدى.

ەسىرتكىنى كوميتەت قىزمەتكەرلەرى گەرمانيانىڭ قىلمىستىق كەدەن پوليتسياسىمەن بىرلەسىپ، سونداي-اق رەسەي، بەلارۋس، ليتۆا، پولشا جانە نيدەرلاندى قۇقىق قورعاۋ جانە كەدەن قىزمەتتەرىنىڭ كومەگىمەن وتكىزگەن حالىقارالىق ارنايى وپەراتسيا ناتيجەسىندە تاركىلەگەن.

وسىلايشا، 2019-جىلدىڭ قازان ايىندا قازاقستان اۋماعىنا «وڭدەلگەن ءمارمار» دەگەن اتاۋمەن جۇك اكەلىندى. نيدەرلاندىعا جونەلتىلگەن تاۋاردى تەكسەرۋ كەزىندە تەرگەۋشىلەر گەروين بار 2208 بريكەتتى انىقتادى.

ۇيىمداسقان قىلمىستىق توپ ەسىرتكى ءترانزيتىن يراننان ەۋروپالىق وداق ەلدەرىنە وتكىزۋدى جوسپارلاعان.

اتالاعان ەسىرتكىنىڭ ءبىر بولىگى، قارجى مونيتورينگ قىزمەتكەرلەرىنىڭ باقىلاۋىمەن گەرمانياعا جەتكىزىلدى، مۇندا تاۋاردى الۋ كەزىندە، تۇركيا ەلىنىڭ ازاماتتارى ۇستالعان بولاتىن.

قازىرگى ۋاقىتتا اتالعان ءىس بويىنشا ق ر ق ك- ءنىڭ 286-بابىنا سايكەس سوتقا دەيىنگى تەرگەۋ امالدارى جۇرگىزىلۋدە.