دانيار ەلەۋسىنوۆ الداعى جوسپارى تۋرالى ايتىپ بەردى

نۇر-سۇلتان. قازاقپارات - اۋەسقويلار اراسىندا وليمپيادا چەمپيونى اتانعان، بۇگىندە كاسىپقوي بوكستا جارتىلاي ورتا سالماقتا ونەر كورسەتەتىن قازاقستاندىق بوكسشى دانيار ەلەۋسىنوۆ (10-0، 6 ك و) بيىلعا ارنالعان جوسپارى تۋرالى ايتىپ بەردى، دەپ جازادى Vesti.kz ءتىلشىسى.

ءوزىنىڭ Instagram پاراقشاسىندا ەلەۋسىنوۆ بيىل الەم چەمپيونى بەلبەۋىن يەلەنۋگە نيەتتى ەكەنىن جازدى.

«مەن جاڭا الەم چەمپيونى اتانىپ، ۇلتتىق جوباعا اينالۋىم مۇمكىن. ينشاللاح»، - دەپ جازبا قالدىردى بوكسشى.

ەسكە سالايىق، ەلەۋسىنوۆ كاسىپقوي بوكستاعى ءوزىنىڭ سوڭعى كەزدەسۋىندە الەمنىڭ بۇرىنعى چەمپيونى دجۋليۋس يندونگومەن (23-3، 12 ك و) كەزدەسىپ، IBF Intercontinental بەلبەۋىن جەڭىپ الدى.