اقمولا وبلىسىندا كيىكتەردىڭ قىرىلۋى قاۋپى ءتونىپ تۇر
اقمولا وبلىس بويىنشا ورمان شارۋاشىلىعى جانە جانۋارلار الەمى اۋماقتىق ينسپەكتسياسىنىڭ مالىمەتىنشە، 2020-جىلدىڭ جەلتوقسان ايىندا قورعالجىن مەملەكەتتىك تابيعي قورىعىندا 25 مىڭ كيىك سانالدى. سوڭعى كۇندەرى اۋا رايىنىڭ كۇرت بۇزىلۋى وڭىردە قىستاپ قالعان كيىكتەرگە قاۋىپ ءتوندىرىپ وتىر.
«2021-جىلعى قاڭتار ايىنىڭ باسىنداعى قاتتى اياز (كەيبىر جەرلەردە مينۋس 42 گرادۋس دەيىن) جانە اقتۇتەك بوراننىڭ سالدارىنان وبلىس اۋماعىندا جابايى جانۋارلاردىڭ ءشوپ تاۋىپ قورەكتەنۋىنە قيىندىق تۋىپ وتىر. ونىڭ ىشىندە كيىكتەردىڭ اشتان قىرىلۋ قاۋىپى بار. ءتىپتى، كەيبىر وڭىرلەردە كيىكتەردىڭ اشتان ولگەن دەرەكتەرى دە تىركەلدى. سول سەبەپتى، ورىن الىپ وتىرعان جاعدايعا بايلانىستى جانە كيىكتەردەن جاپپاي قىرىلۋىن بولدىرماۋ ءۇشىن قورعالجىن، ەگىندىكول، جاقسى جانە اتباسار اۋداندارى اۋماعىنداعى كيىكتەر جۇرەتىن اۋماقتاعى قاردى «ك700» تراكتورىمەن كۇرەتۋ تۋرالى اتالمىش اۋدانداردىڭ اكىمدەرىنە نۇسقاۋ بەرىلدى»، - دەيدى ۆەدومستۆودان.