ەلوردانىڭ باس سانيتارلىق دارىگەرى ۇندەۋ جاسادى

نۇر-سۇلتان. قازاقپارات - ەلوردانىڭ باس سانيتارلىق دارىگەرى سارحات بەيسەنوۆا كوروناۆيرۋس ينفەكتسياسىنىڭ قاۋپىن ۇمىتپاۋ كەرەكتىگىن ايتىپ قالا تۇرعىندارىن ساقتانۋعا شاقىردى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

4- جانە 10- قاڭتار ارالىعىندا قازاقستاندا كوروناۆيرۋستان 30 ادام كوز جۇمدى الماتى وبلىسىندا شەكتەۋ شارالارى كۇشەيتىلەدى، تالدىقورعان - «قىزىل ايماقتا» ونىڭ ايتۋىنشا، قاڭتاردىڭ العاشقى ونكۇندىگىندە ەلوردا «سارى» جانە «قىزىل» ايماقتاردىڭ شەكاراسىندا تۇر.

جاڭا جىلدىق مەرەكەلەردەن كەيىن ينكۋباتسيالىق كەزەڭ اياقتالعانىن ەسكەرە وتىرىپ، كوروناۆيرۋسپەن اۋىراتىن ناۋقاستار سانى ارتىپ كەلەدى.

«قازىر قالا «سارى ايماقتا» ورنالاسقانىنا قاراماستان سىرقاتتانۋشىلىق سانىنىڭ ءوسۋى بايقالادى. بۇل، ءبىر جاعىنان، COVID-19 ينفەكتسياسىنا تەست تاپسىراتىن ادام سانىنىڭ ەكى ەسە وسۋىنە، ال ەكىنشى جاعىنان قالا تۇرعىندارىنىڭ جاڭا جىل كۇندەرى شەكتەۋ شارالارىن ساقتاماۋىنا بايلانىستى. سونداي-اق ايرىقشا اتاپ وتەرلىگى - دارىگەرلەرگە وزدىگىنەن قارالاتىن حالىقتىڭ ۇلەسى ارتىپ كەلەدى. بۇل تۇرعىنداردىڭ جاۋاپكەرشىلىگى جوعارى ەكەنىن جانە كوروناۆيرۋس ينفەكتسياسىنىڭ سالدارىنا الاڭدايتىنىن كورسەتەدى. ءوز بەتىمەن ەم-دوم قولدانۋعا بولمايدى. ءوزىن، تۋىستارىن جانە اينالاسىن قورعاۋ ءۇشىن سانيتارلىق نورمالاردى قاتاڭ ساقتاپ، ماسكا تاعۋ قاجەت»، - دەدى سارحات بەيسەنوۆا.

ەلوردانىڭ باس سانيتارلىق دارىگەرى كوروناۆيرۋسپەن اۋىرعاندار قاتارى وسكەن جاعدايدا قوسىمشا كارانتين شەكتەۋ شارالارى قابىلداناتىنىن اتاپ ءوتتى.