استانادان شىعاتىن تاعى ءبىرقاتار تراسسا قوزعالىس ءۇشىن اشىلدى

نۇر-سۇلتان. قازاقپارات - اۋا رايىنىڭ جاقسارۋىنا بايلانىستى نۇر-سۇلتان قالاسىنان شىعاتىن تاعى بىرنەشە اۆتوجول قوزعالىس ءۇشىن اشىلدى، دەپ حابارلايدى قازاقپارات.

Smart Astana Telegram-كانالىنىڭ اقپاراتىنا سايكەس، 13- قاڭتار ساعات 06:00 دەن باستاپ رەسپۋبليكالىق ماڭىزداعى: - «نۇر-سۇلتان قالاسى - تەمىرتاۋ قالاسى» (ەكاتەرينبۋرگ - الماتى جولىنىڭ 1291-1426 شاقىرىم ارالىعى)؛ - «نۇر-سۇلتان - پاۆلودار وبلىسىنىڭ شەكاراسى» (نۇر- سۇلتان - ەرەيمەنتاۋ - شىدەرتى جولىنىڭ 16 - 200 شاقىرىم ارالىعى) تراسسالارى قايتا اشىلدى.

سونداي-اق ساعات 06:15-تەن باستاپ رەسپۋبليكالىق ماڭىزداعى: - «قابانباي باتىر اۋىلى - قاراعاندى وبلىسىنىڭ شەكاراسى» (نۇر-سۇلتان قالاسى - قابانباي باتىر اۋىلى - كيەۆكا اۋىلى - تەمىرتاۋ قالاسى اۆتوجولىنىڭ 36-51 شاقىرىم ارالىعى) اۆتوجولىندا بارلىق كولىك ءتۇرى ءۇشىن قوزعالىسقا قايتا رۇقسات بەرىلدى.

بۇعان دەيىن ەلوردادان قورعالجىن اۋدانى جانە شۋچينسك قالاسىنا باراتىن ەكى اۆتوجول قوزعالىس ءۇشىن اشىلعان بولاتىن.

ەسكە سالا كەتسەك، اۋا رايىنىڭ قولايسىزدىعىنا بايلانىستى (قار، بوران، جولدىڭ كورىنبەۋى) اقمولا، قوستاناي، قاراعاندى، پاۆلودار، سولتۇستىك قازاقستان وبلىستارىندا ءبىرقاتار جولدا كولىك قوزعالىسى شەكتەلدى. سونداي-اق قاراعاندى وبلىسىنىڭ اۋماعىندا بارلىق ىشكى باعىت بويىنشا تراسسالار جابىلدى. ب ۇرقاسىننان نۇر-سۇلتان - تەمىرتاۋ كۇرە جولىندا 15 كولىك سوقتىعىستى ، ءبىر ادام زارداپ شەكتى.

سينوپتيكتەر 13- قاڭتار كۇنى 7 وڭىردە اۋا رايى قايتا بۇزىلاتىنىن بولجاپ وتىر.